Алабуга районында узган хисап сессияләрендә авыл халкы 100гә якын проблема күтәрде

Авыл халкының сөйләрлеге күп: һәр торак пунктта проблемалар җитәрлек. Халыкны яктырту, суның сыйфаты, юлларның торышы (яки аларның бөтенләй булмавы) борчый. Район җитәкчелеге белән очрашулар вакытында авылларда яшәүчеләр 92 проблема турында хәбәр итте. Гражданнарны шәхси сораулар буенча кабул итү вакытында Алабуга районы җитәкчесе Рөстәм Нуриевка 68 кеше мөрәҗәгать белән килде.

Түбәндә авыл халкыннан сораулар исемлеген китерәбез:

Илмәт авыл җирлеге

Илмәт авылында Җәлил урамы буенча күперне төзекләндерү

Ядегәр авылында газ үткәрү

Илмәттә ФАПка фельдшер кирәк

Бехтерево авыл җирлеге

Бехтерево авылындагы Чиркәү һәм Гусев урамнарына асфальт җәю

Иске суүткәргеч яраксыз хәлгә килгән

Гари авылында Мәктәп урамына газ кирәк

Олы Шүрнәк авыл җирлеге

Морт урманыннан Олы Шүрнәк авылы борылышына кадәр юл билгеләре кую

Олы Шүрнәк авылында спорт (футбол) мәйданчыгы төзелеше

Үмәк авылында балалар мәйданчыгы урнаштыру

Татар Дөм-Дөме авыл җирлеге

Коммуналь һәм башка түләүләр буенча терминал урнаштыру

М. Җәлил урамы буенча Татар Дөм-Дөме торак пунктына юлны норматив хәлгә китерү.

Чокыр янындагы куркыныч юл участогын киртәләү

Олы Елово авыл җирлеге

Янгын сагы өчен район бюджетыннан акча бүлеп бирү

Бөек Ватан сугышы геройларын искә алу китабы чыгаруда, шулай ук Олы Елово авылында Хәтер музее булдыруда ярдәм итәргә

Олы Качка авыл җирлеге

Олы Качка авылында суүткәргеч торбаларны алыштыру

Олы Качка авылында Совет һәм Якты урамнарын тоташтыручы күперне төзекләндерү

Олы Качка авылында кәшәнә (часовня) ачу мөмкинлеген карарга

Костенеево авыл җирлеге

Свиногорье авылында авыл мәдәният йорты бинасы янында балалар мәйданчыгы төзү

Җәйге вакытта Костенеево авылындагы Свиногорская урамында су басымы юк

1нче төркем инвалидка мунча өчен утын бүлеп бирү

Иске Күклек авыл җирлеге

ФАПта дарулар юк

Ындыр табагы янында тукталыш павильоны урнаштыру

Өйне су белән тәэмин итү системасына тоташтыру

Лекарево авыл җирлеге

Лекарево мәдәният йортына проектор һәм экран бүлеп бирү

Олы Армалы авылында балалар мәйданчыгы төзелеше

Лекарево авылында янгын сулыклары юк

Морт авыл җирлеге

Үзәк урамын мәчеткә кадәр асфальтлау

Мәдәният һәм ял паркында балалар уен мәйданчыгы урнаштыру

Морт авылында Тау урамы буенча күперне ремонтлау

Мурзиха авыл җирлеге

“М-7”дән Яңа Мурзиха авылына кадәр юлны ремонтлау

Якын-тирә авылларда яшәүчеләр өчен өстәмә рейс оештырырга

Авыл җирлеге өчен трактор сатып алу

Поспелово авыл җирлеге

Су белән тәэмин итү өчен норматив буенча зур түләүләр

Урман урамындагы йортта электр үткәргечләргә капиталь ремонт кирәк

“Тимергалиев” КФХ фермасына керү юллары төзү

Танай авыл җирлеге

Танайка авылында “Тау” микрорайонында суүткәргеч төзелеше

Танайка авылында мәктәп төзелеше

Танайка авылында Островная урамы буенча суүткәргеч төзелеше

Иске Юраш авыл җирлеге

Иске Юраш авылында М. Җәлил урамына асфальт кирәк

Иске Юраш авылында балалар бакчасы янында “төп юл” билгесе юк

Су белән тәэмин итү өчен норматив буенча югары исәпләү

Яковлево авыл җирлеге

Костенеево амбулаториясенә табиб-стоматолог кирәк

Яковлево авылындагы Ленин урамы буенча юл ремонты

Бессониха авылында газ һәм су белән тәэмин итү кирәк

Алабуга районы башлыгы вазифаларын башкаручы Зөлфия Сөнгатуллина билгеләп үткәнчә, авыл җирлекләрендә хисап сессияләрендә барлыгы 1,5 меңнән артык кеше катнашкан. Барлык авыл җирлекләре башлыкларының эше канәгатьләнерлек дип танылды. Мөрәҗәгатьләр динамикасы һәм структурасы узган ел белән чагыштырганда үзгәргән. 2019 елда күпчелек сораулар мәдәният һәм мәгариф өлкәсенә кагылса, быел аларның саны кимегән, чөнки мәсьәләләрнең күбесе хәл ителгән.

Авыл халкы Пенсия фонды, социаль яклау, салым инспекциясе һәм башка хезмәтләр белгечләреннән консультацияләр ала алды. Мәсәлән, Пенсия фонды җитәкчесенә “авыл стажы” өчен пенсиягә өстәмә түләүләр, күп балалы аналарга түләүләр буенча 38 кеше мөрәҗәгать иткән.

2020 елда юллар, күперләр төзү һәм ремонтлау мәсьәләләре беренче планга чыга, аларның кайберләре кабат күтәрелә. Мәсәлән, “Күклек – Мишка-Овраг” юлы төзелеше, Бехтерево авылындагы Гусев һәм Чиркәү урамнары буенча юл төзелеше (400 һәм 600 метр), Морт авылындагы Үзәк урамга асфальт салу (500 метр). Бурычлар үтәүгә өлешчә кабул ителгән. 2020 елга программалар буенча авыл җирлекләрендә 6,6 километр озынлыкта юлларны 29,1 миллион сумга ремонтлау игълан ителгән.

Моннан тыш, республика программалары буенча түбәндәгеләр эшләнәчәк:

- Колосовка авылында ФАП һәм Танайкада табиб амбулаториясе төзеләчәк;

- Танайка авылында балалар бакчасы һәм Бехтерево авылында мәдәният йорты ремонтланачак;

- Илмәт һәм Олы Качка авылларында су белән тәэмин итү челтәрләре реконструкцияләнәчәк.

– Бөек Ватан сугышында Җиңүнең 75 еллыгын бәйрәм итү уңаеннан һәйкәлләрне мәңгеләштерү, Сугыш геройларын Искә алу китабы чыгару, Олы Елово авылында Хәтер музее булдыру буенча эшләрне дәвам итү турында да сораулар булды. Бүген район бюджеты һәм авыл җирлекләре бюджетлары хисабына 10 авыл җирлегендә һәйкәлләрне төзекләндерү һәм Иске Күклек авыл җирлегендәге Черкасова авылында яңасын төзү турында Карар кабул ителде, – дип өстәде Зөлфия Сөнгатуллина.

Саннар һәм фактлар

Авыл җирлекләре: 15

Шул исәптән торак пунктлар: 48

Халыкның гомуми саны: 11898 кеше