Музейга сәяхәт

Җиңү бәйрәме алдыннан балаларда патриотик хисләр, туган якка, туган телгә, Ватанга мәхәббәт тәрбияләү; Ветераннарыбызның Бөек Ватан сугышында күрсәткән батырлыклары турында белемнәрен киңәйтү максатыннан, 34 нче "Салават күпере" бакчасының 13нче логопед төркеме балалары белән Хәтер музеена бардык. Анда безне солдат киеме кигән экскурсовод каршы алды. Музейдагы экспонатлар белән таныштырды. Алабуга җирлегеннән булган солдатларның исемнәрен бәйләп төшерелгән фильм да балаларда зур тәэсир калдырды. Экскурсиябезне Хәтер мәйданында дәвам итеп, Мәңгелек ут янында чәчәк кую белән төгәлләдек.