Алабуга нуры

“Алтын” балык

Район башлыгы Геннадий Емельянов янына шәхси сораулар буенча килүче гражданнар ике мәсьәлә күтәрде.

Мөрәҗәгать итүчеләрнең берсе – Маннур Нигъмәтҗанов. Ул балык үрчетү өчен буа ясарга тели. Проект буенча 100×150 үлчәмле өлешендә маймычлар һәм  110×170 үлчәмлесендә – товар балык булыр дип күздә тотыла.

Район башлыгы фермердан янәшәдә бернинди елга да булмаган ялан кырда сулык ясауның мәгънәсе нидә дип кызыксынды.  

− Суны суырткыч белән Тоймадан кудырачакмын, ул ерак түгел генә ага, − дип җавап бирде Нигъмәтҗанов.

Бу бит “алтын” балык булачак. Беркайчан да дым күрмәгән җирне ни рәвешле тутырып булуы миңа аңлашылмый. Барлык су комга сеңәчәк, – Геннадий Емельянов эшмәкәрнең ниятләре хак булуга шикләнде, чөнки элегрәк аның ком сатуы турында мәгълүмәт булган иде.

− Мин аны вакытлыча саклауга чыгарам, − дип раслый эшмәкәр.

− Законда һәр милек иясе үз ихтыяҗларына кишәрлегеннән җир алырга хаклы дип язылган, тик сезнең киресенчә килеп чыга. Ком сатудан соң, сез проектны ташлаячаксыз, ә безнең районда тагын бер карьер барлыкка киләчәк, − район башлыгының фикере шундый.

Эшмәкәр үз сүзеннән китмәгәнгә, Геннадий Емельянов аңа проектны эшләп җиткерергә һәм югарырак – ТР экология һәм табигый ресурслар министрына мөрәҗәгать итәргә тәкъдим итте.

Нравится
Поделиться:
Реклама
Комментарии (0)
  • 23 октябрь 2017 - 14:24
    Защити себя!
  • 29 март 2018 - 11:59
    Кар суына юл ачкан – ташудан качкан
    Чын яз апрель башында көтелә, анда инде сулар агачак. Су басуга кагылышлы фаразларны “эшлекле сишәмбе”дә ТР Гадәттән тыш хәлләр идарәсенең Алабуга районы буенча башлыгы Николай Доронин хәбәр итте.
    95
    0
    0
Ночной режим