Алабуга нуры

“Бизнес-десант”: эшмәкәрләргә киңәш бирделәр

Алабугада проект кысаларында семинар булды.

Бизнес-десант бушлай семинарлар сериясе. Анда эшкуарларның проблемаларын чишү юллары турында фикер алышалар. Алабуга эшмәкәрләре өчен мондый киңәшмәләр ят түгел. Монысы – өченчесе, әмма ул яңалыктан башка үтмәде, аны “эшлекле иртәнге аш” рәвешендә оештырдылар.

Төп тема – тикшерүләр, чөнки күпчелек бетмәс-төкәнмәс штрафлардан зарлана.

− Тикшеренүчеләрдә “таяк” системасы, шуңа күрә күп штраф салалар, аның күләменнән тора бит, премия алалармы-юкмы, − диләр алабугалы эшмәкәрләр.

Шулай да, “Бизнес-десант” вәкилләре ышандыруынча, прокуратура бу системаны тыйган, һәм штрафлар төгәлсезлекләр булганда гына салына.

Тикшерү эшен җиңеләйтүне күздә тотып, бүген Татарстанда кече һәм урта эшмәкәрлек өчен махсус портал – “Сыналган бизнес” мәгълүмәти интернет-журнал булдырылды.

Очрашу вакытында эшмәкәрләргә тәкъдимнәре белән порталны булдыручының үзенә – Сергей Кощеевка мөрәҗәгать итәргә мөмкинлек булды.

− Әлегә сайт эшләнелә генә, ләкин сезнең тәкъдимнәрне кабул итәбез. Исәпкә алынсын өчен, аларны махсус рәвештә сайтта калдырырга кирәк. Элемтә өчен үзегез турында белешмә калдырырга онытмагыз.

Иң яхшы тәкъдимнәрне “Ел эшмәкәре: Алтын көз-2017” конкурсында билгеләп үтәчәкләр. Бу беренче чиратта – мәгариф проекты. Сайтны 9 гыйнварда эшләтә башларга ниятлибез, ул бик хәрәкәтчән ресурс булачак, анда эшмәкәрләр бар мәгълүмәтне бер урында табачак, − диде ул.

Шунда ук, эшмәкәрләр танып белсеннәр өчен, сайтта тикшерүчеләр турында, аларның фотолары белән бүлек ясарга тәкъдим  ителде, тикшерүчеләр дә үз абруен саклар иде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: