Алабуга нуры

Әбүнәчеләр арасында призлар уйнатылды

"Алабуга нуры" һәм "Новая Кама" газеталары редакциясендә 2013 елның беренче яртыеллыгына язылучылар арасында призлар уйнатылды.

Призлар "Алабуга нуры" һәм "Новая Кама" газеталарының 95 еллык юбилее уңаеннан уйнатылды һәм ике этапта узды. Бу көнне ун кәрәзле телефон һәм йөзәр сумлык 50 акчалата приз үз иясен тапты.

Газеталарга язылу барышында вәгъдә ителгәнчә, барлык әбүнәчеләребезнең дә приз алу мөмкинлеге булды. Шәһәр һәм авылда яшәүче газета укучыларыбыз, бу көнне редакциягә килә алмаса да, приз уйнатуда катнашты.

Әбүнәче исеме һәм адресы язылган купоннар салынган барабанны бәйсез экспертлар: Алабуга муниципаль районы Советының массакүләм матбугат чаралары белән эшләү бүлеге җитәкчесе ярдәмчесе Анастасия Иванова һәм полиция инспекторы Любовь Бикмуллина әйләндерде.

Кәрәзле телефоннарны "Новая Кама" газетасына язылган биш алабугалы алды, ике телефон авылда яшәүчеләргә эләкте. Тагын 25 кеше акчалата приз алды. "Алабуга нуры"на быелның беренче яртыеллыгына язылучылар арасында да призлар шул рәвешле уйнатылды. Нәтиҗәдә, ике телефонны шәһәр әбүнәчеләре алды, ә бер кәрәзле телефон авылда яшәп, безнең газетага язылучыга китте. Шуннан соң әбүнәчеләр арасында 25 акчалата приз уйнатылды.

Телефон һәм акчалата приз уйнаган әбүнәчеләребез, уйнатылуга килмәүгә карамастан, бәхетләренә эләккән призларны барыбер алачак. Моның өчен исемлектән фамилияңне табарга һәм приз уйнаган очракта, Әйләнеч шоссе, 15 нче йорт (АТП бинасы), 2 нче кат, 7 нче кабинетка килеп аны алырга кирәк булачак. Үзең белән паспорт һәм ИНН да алырга кирәк. Белешмәләр өчен редакция телефоны: 3-81-11.

P.S. "Алабуга нуры" һәм "Новая Кама" газеталары белән актив эшләгәннәре өчен бәйсез экспертларга дипломнар тапшырылды.

Алия СИРАЕВА

Сабина КАЧАЕВА фотосы

Нравится
Поделиться:
Реклама
Комментарии (0)
  • 23 октябрь 2017 - 14:24
    Защити себя!
  • 29 март 2018 - 11:59
    Кар суына юл ачкан – ташудан качкан
    Чын яз апрель башында көтелә, анда инде сулар агачак. Су басуга кагылышлы фаразларны “эшлекле сишәмбе”дә ТР Гадәттән тыш хәлләр идарәсенең Алабуга районы буенча башлыгы Николай Доронин хәбәр итте.
    100
    0
    0
Ночной режим