Алабуга нуры

Гомер агышлары

Нияте изге адәмнең Бар гамәле уң була. Эшләре белән сүзләре Бер-беренә тиң була.

Табигатьнең бик матур урынында мәһабәт урманнар, болын-кырлар һәм бормалы аккан Ык елгасы буенда Минзәлә районы Бикбау авылында, җир йөзен кояш нурлары күмгән җәйнең иң матур июль аенда бер нәни кыз туа, аңа Рәмзия дип исем кушыла.

Ул тәртипле, җитез бала булып үсә. Ык елгасында су коенып, табигатьнең гүзәллеген тоеп, җиләк җыеп, әти-әнисенә өй эшләрендә булышып үсә; вакытның кадерен белгән, хезмәт сөючән, тырыш, ишле гаиләдә тәрбияләнә ул.

Гади авыл кызы мәктәпне гел яхшы билгеләренә генә тәмамлап зур хисләр, хыяллар белән 1973 елны гүзәл башкала Казанга китә, теләге - экономист булу.

Имтиханнарны уңышлы тапшырып Казан дәүләт авыл хуҗалыгы институтының икътисад факультетына укырга керә.

Институтны яхшы тәмамлаган белгечкә Алабуга районы Морт авылына юллама бирәләр. 1978 елда Рәмзия "8 Март" колхозында баш экономист булып эшли башлый һәм менә инде 34 ел гомерен яраткан эшенә багышлый.

Бүгенге көндә ул "Морт агрофирмасы"нда бухгалтер-экономист булып эшли. Рәмзия Зиннурова үз хезмәтен намус белән башкара.

Морт агрофирмасының тук башаклы иркен басуларында үскән игеннәргә, көзге муллыкка, уңган механизаторларның, шоферларның, терлекчеләрнең һәм башка агрофирма эшчеләренең хезмәт уңышларына куанып яши белә, барысының да хезмәт нәтиҗәләренә дөрес бәя биреп исәпләргә тырыша.

Һәрвакыт хезмәттәшләренең кайгы-шатлыкларын бүлешә белүе, кирәк чакта аларга ярдәм кулы сузарга әзер торуы аны киң күңелле шәхес буларак сыйфатлый.

Рәмзия гаилә бәхетен авылыбызда таба. 1979 елны авылыбыз егете, "Сельхозтехника"да инженер булып эшләүче Зиннуров Алифнурга кияүгә чыга.

Алар матур пар булып менә инде 33 ел бергә яшиләр. Хезмәттәге уңышларны уртага салып, бер-беренә булышып яшиләр һәм эшлиләр.

Ире Алифнур - дөнья тоткасы, Рәмзия - гаилә тоткасы, ул һәрвакыт сабыр, һәр сүзен үлчәп сөйләшә.

Алифнур белән Рәмзия үзләренә лаеклы алмаш итеп кыз һәм малай тәрбияләп үстерделәр. Икесенә дә югары белем алырга булыштылар, тормыш юлына чыгардылар, икесе дә хәзер үз гаиләләре белән яшиләр.

Кызлары Алия тормыш иптәше, авылыбыз егете Илдар Галәлетдинов белән Алабуга шәһәрендә яши һәм эшли, ике малай тәрбияләп үстерәләр.

Малайлары Разил Алабугада гаиләсе белән яши, "Татэлектромонтаж"да эшли.

Рәмзия ханым гаилә җанлы кеше, кайнанасы Әминә белән 16 ел, кайнатасы Абдул абый белән 25 ел бергә тату яшәделәр. Икесен дә тәрбияләп, хөрмәтләп соңгы юлга озаттылар.

Зиннуровларның нурлы өенә Алифнурның читтә яшәүче апасы, энеләре гаиләләре белән әти-әни нигезенә дип һәрвакыт кайтып торалар, барысына да кадер-хөрмәт күрсәтелә мәрхәмәтле Рәмзия тарафыннан.

Тату гаиләнең мул тормышта яшәве - тырыш хезмәт нәтиҗәсе.

Шушы көннәрдә киң күңелле Рәмзия Зиннурова 55 еллык күркәм юбилеен билгеләп үтә.

Аның күңеле һаман яшь, гомере заяга узмады, йөрәге яшьләрчә ялкынлы.

Рәмзия ханым, юбилеегыз көнендә сезгә ныклы сәламәтлек, куанычлы озын гомер, зур уңышлар һәм гаилә бәхете телибез.

"Морт агрофирмасы" коллективы,

Морт авылы

Нравится
Поделиться:
Реклама
Комментарии (0)
  • 20 февраля 2018 в 08:19
    Көрәш – милләтебезнең йөзек кашы 15нче февральдән 17сенә кадәр Алабугада “Сабантуй” журналы призына 2002-2003нче елда һәм 2004-2005нче елда туган үсмерләр арасында көрәш буенча Татарстан Республикасы беренчелеге узды. Көрәштә Татарстан Республикасының 35 шәһәр һәм районнарыннан 500дән артык спортчы катнашты.
    9
    0
    0
  • 20 февраля 2018 в 08:17
    Кышкы кечкенә олимпиадалар гөрли Балачак – олылар тормышының кечкенә, әмма үзенчәлекле күчермәсе. Олылар дөньясы балаларга үрнәк, өлге булып тора. Юкка гына балалар олылар тормышыннан алынган үзенчәлекле дөнья тудырып, “сатучылы”, “әниле-кызлы”, “укытучылы” кебек уеннарны уйнамыйлар.
    11
    0
    0
  • 18 февраля 2018 в 21:21
    Татарстанның бакчачылык берләшмәләрен үстерүгә 150 миллион сум тотылган Республика программасында 20ләп районның бакчачылык берләшмәләре катнаша.
    22
    0
    0
  • 16 февраля 2018 в 15:45
    В Елабуге состоится концерт мастеров искусств Завтра в 18.30 в городском Дворце культуры состоится концерт мастеров искусств.
    49
    0
    0
  • 16 февраля 2018 в 12:00
    Үкенечле ядкяр Беренче мәртәбә Язиләнең фотоальбомында буш калган бу битне Нурзифа Х классны тәмамлаган, инде кулга аттестатлар алган, котлаулар тыңлаган һәм хушлашу кичәсе узган көнне, дөресрәге, туып килүче иртәне күргән иде.
    41
    0
    0
  • 16 февраля 2018 в 11:00
    ...Кайнар белен – иң яхшы ашамлык! Май чабу атнасы тиздән ахырына якынлаша, ләкин әле беленнәр белән сыйланыр өчен безнең тагын өч көн бар.
    41
    0
    0
  • 16 февраля 2018 в 10:00
    Бокс – ул яшәү рәвеше Казанда 2004-2005 елгы үсмерләр арасында бокс буенча Татарстан Республикасы беренчелеге узды.
    42
    0
    0
  • 16 февраля 2018 в 08:51
    Алабугалылар сорауларына җавап алды Алабуга шәһәр мәдәният сараенда Ветераннар советының җәмәгать кабул итүе булды.
    41
    0
    0
  • 23 октября 2017 в 14:24
    Защити себя!
  • 18 февраля 2018 в 21:21
    Татарстанның бакчачылык берләшмәләрен үстерүгә 150 миллион сум тотылган Республика программасында 20ләп районның бакчачылык берләшмәләре катнаша.
    22
    0
    0
  • 20 февраля 2018 в 08:17
    Кышкы кечкенә олимпиадалар гөрли Балачак – олылар тормышының кечкенә, әмма үзенчәлекле күчермәсе. Олылар дөньясы балаларга үрнәк, өлге булып тора. Юкка гына балалар олылар тормышыннан алынган үзенчәлекле дөнья тудырып, “сатучылы”, “әниле-кызлы”, “укытучылы” кебек уеннарны уйнамыйлар.
    11
    0
    0
  • 20 февраля 2018 в 08:19
    Көрәш – милләтебезнең йөзек кашы 15нче февральдән 17сенә кадәр Алабугада “Сабантуй” журналы призына 2002-2003нче елда һәм 2004-2005нче елда туган үсмерләр арасында көрәш буенча Татарстан Республикасы беренчелеге узды. Көрәштә Татарстан Республикасының 35 шәһәр һәм районнарыннан 500дән артык спортчы катнашты.
    9
    0
    0