Өлкән буын кешеләренә газета аеруча кадерле

Бу атнада аңа шәһәр Советы депутаты, 8нче санлы мәктәп директоры Миңнечулпан Сафина да кушылды. Ул ике ветеранны «Алабуга нуры» һәм «Новая Кама» газеталарына яздырды.
— Әлеге хәйрия акциясе башлануы турында ишетү белән анда катнашырга, үз өлешемне кертергә булдым. Газета — иң ышанычлы мәгълүмат чыганакларының берсе. Ә өлкән кешеләр өчен ул аеруча кадерле. Кемнедер сөендерә алуыма мин бик бәхетле, — дип үз хис-тойгылары белән уртаклашты Миңнечулпан Наил кызы.
Исегезгә төшерәбез, акциядә теләге булган һәркем катнаша ала. Моның өчен 3-81-11 телефоны буенча редакциягә шалтыратырга кирәк.