Алабуга нуры

Район башлыгы Геннадий Емельянов алабугалыларны шәхси сораулар буенча кабул итте

Бу юлы килгән халыкның гозерләре һәм дәгъвалары коммуналь хуҗалык һәм төзекләндерүгә кагылышлы иде.

Төзүчеләр урамындагы 4а йортында яшәүчеләр фатирларының салкын булуына һәм кайнар суның юклыгына зарлана. Биредә ИТП урнаштырылган булса да, ул әлегә кадәр көйләнмәгән, белгечләр дә моны ничек эшләргә икәнен белми. Ә халык заман уңайлыклары булмаганнан интегергә мәҗбүр. Мәсәлән, очрашу алдындагы көндә кайнар су урынына краннардан җылымса су аккан. Салкын су өчен гомумйорт исәпләүләре буенча да сораулар бик күп. Бер ай эчендә генә гомумйорт ихтыяҗлары өчен 180 кубометр су тотылган. "Моның кадәр суда йортны батырырга була!", - дип шаярталар йортта яшәүчеләр.

Җылылык өчен түләүләр белән дә хәл яхшырак түгел. Бу йортта гыйнвар аенда счетчик куелган булса да, аның күрсәткечләрен йорт буенча җаваплы кеше катнашыннан башка гына язып алалар икән. Нәтиҗәдә, квитанцияләрдә җылыту өчен бик зур сумма күрсәтелгән, ә бу, һичшиксез, йортта яшәүчеләрнең катгый ризасызлыгын тудыра.

Геннадий Емельянов урынбасарларына әлеге вәзгыятьне тикшерергә һәм хәл итәргә дигән күрсәтмә бирде.

-Әгәр һәр җитәкче көндәлек проблемалар белән җитди шөгыльләнсә, халык та башлыкка ярдәм сорап мөрәҗәгать итмәс иде, - дип ассызыклады Геннадий Емельянов. Түләүләрдә булган барлык үзгәрешләр турында вакытында халыкка аңлатырга кирәк, диде ул идарәче компания һәм коммуналь предприятие җитәкчеләренә.

Бөек Ватан сугышында катнашкан Галина Марина кабул итүгә Нефтьчеләр проспектындагы ике йортта яшәүчеләр исеменнән ишегалдын төзекләндерү үтенече белән килде. Район башлыгы ишегалды мәйданының зурлыгы белән кызыксынды һәм бу территорияне быелның төзекләндерү планына кертергә дигән күрсәтмә бирде.

Алия КАРАЕВА

Анастасия ИВАНОВА фотосы

Нравится
Поделиться:
Реклама
Комментарии (0)
  • 23 октября 2017 в 14:24
    Защити себя!
  • 14 декабря 2017 в 10:33
    Кыш көне кошларны ашатыйк! Күптән түгел “Түбән Кама” милли паркы “Кыш көне кошларны ашатыйк – 2017” табигатьне саклау акциясе уңаеннан, “Иң яхшы җимлек” региональ конкурсын үткәрде.
    10
    0
    0
  • 15 декабря 2017 в 13:34
    Иркә: “Табиблар сәхнәгә чыкмаска кушты” Танылган скрипкачы Иркә Гайнемөхәммәтова икенче тапкыр әни булырга җыена. Аның белән күптән түгел Илсөя Бәдретдинова концертында күрешкән идек, аннан соң тагын бер концертта юлларыбыз кисеште. Иркә белән шәхси тормышы һәм иҗаты турында сөйләшеп алдык.
    9
    0
    0
  • 15 декабря 2017 в 13:38
    Путин: Татарстанны яратам, анда минем дусларым күп Ил җитәкчесе матбугат конференциясендә тел мәсьәләсенә ачыклык кертте.
    8
    0
    0