Алабуга нуры

Тупыл “карлары”

Тупыл "карлары"

Тупыл мамыклары оча,

Күбәләкләрдәй уйнап.

Ап-ак келәмнәр сузылган

Бакча сукмагы буйлап.

Йомшак келәмнәр өстеннән

Онык килә йөгереп.

Һаваларга күтәрелә

Мамыклар аннан өркеп.

Онык чаба артларыннан,

Тели тотып карарга.

Ахры, охшатты аларны

Кышын яуган карларга.

Бакчабызны акка күмеп,

Тупылдан "карлар" ява.

"Кар бураннары" тузгытып,

Оныгым уйнап чаба.

Кадрия НАИЛ

Нравится
Поделиться:
Реклама
Комментарии (0)
Осталось символов: