Алабуга нуры

Агымдагы елның 6 аенда Алабуга авыл хуҗалыгы предприятиеләре фермаларында 10493 тонна сөт савылган

Бер сыерга исәпләгәндә, ярты ел эчендә 3 мең 783 килограмм сөт савылган – узган елның шул ук чоры белән чагыштырганда 403 килограммга күбрәк.

Агымдагы елның беренче яртыеллыгында мөгезле эре терлекнең баш саны 2020 елның шул ук чоры белән чагыштырганда 14 процентка арткан һәм хәзер 7 мең 647 тәшкил итә, шул исәптән 2 мең 861 сыер.
Район терлекчеләренең эш нәтиҗәләрен район Авыл хуҗалыгы һәм азык-төлек идарәсе җитәкчесе урынбасары Александр Косов шәрехләде.
Сарыклар һәм кәҗәләрнең гомуми саны хәзер 4 мең 551кә тиң, бу узган елның шул ук чорындагыдан 284кә күбрәк, атлар — 297 (плюс 22), кошлар — 110,5 мең (плюс 3000).
«Яңа Юраш» агрофирмасында мөгезле эре терлек саны 5 процентка, Әхмәтҗановның (Морт) крестьян-фермер хуҗалыгында — 3, «Башак» авыл хуҗалыгы кооперативында 2 процентка арткан.
Агымдагы елның 6 аенда Алабуга авыл хуҗалыгы предприятиеләре фермаларында 10 мең 493 тонна сөт савылган, бу 2020 ел күрсәткеченнән бер ярым тапкырга артыграк. «Мир» ҖЧҖ, «Яңа Юраш» агрофирмасы (108 процент), «Яшь көч» (106 процент) һәм «Башак» авыл хуҗалыгы җитештерү кооперативы терлекчеләре уңай нәтиҗәләр күрсәткән.
Бер сыерга исәпләгәндә, ярты ел эчендә 3 мең 783 килограмм сөт савылган — узган елның шул ук чоры белән чагыштырганда 403 килограммга күбрәк.
Район сводкасында беренче урында — «Яшь көч» агрофирмасы, анда сыерның уртача продуктлылыгы 4 мең 858 килограммга җиткән (плюс 271), икенче урында — «Мир» ҖЧҖ (4 мең 706), өченчедә — «Башак» авыл хуҗалыгы кооперативы (3 мең 760 килограмм).
Ит җитештерү 96 тоннага арткан һәм яртыеллыкта 1 мең 128 тонна тәшкил иткән. "Башак«та ул 24 процентка, «Якты үзән» ҖЧҖендә 2 процентка, «Алабуга икмәк кабул итү предприятиесе» ҖЧҖендә 30 процентка арткан.
«Алабуга икмәк кабул итү предприятиесе» җәмгыятендә мөгезле эре терлекләрдән уртача тәүлеклек үсеш 730 грамм (район буенча уртача 715 грамм), "Башак«та 718 грамм тәшкил итте.
***
Июль башында районда бер сыерның тәүлеклек продуктлылыгы 20,6 килограммга (узган елның шул ук чоры белән чагыштырганда 4,2 килограммга), «Мир» ҖЧҖендә — 25,5, «Яшь көч» агрофирмасында 21 килограммга җитте.
Районда көнлек савым хәзер 57,2 тонна тәшкил итә — 2020 елга караганда 20,3 тоннага күбрәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: