Алабуга авыл хуҗалыгы идарәсендә алдынгы механизаторларны билгеләделәр

Механизаторлар арасында беренче урын «Аммоний Агротехнологияләр» ҖЧҖндә эшләүче Алексей Александр улына бирелде, ул 4521 эталон гектарда эш башкарган. 

«Яңа Юраш» агрофирмасыннан Фәнис Галиев, «Башак» («Колос») авыл хуҗалыгы кооперативыннан Сергей Кузнецов, "Яшь көч«тән Вениамин Филиппов һәм Әхмәтҗанов (Морт) крестьян-фермер хуҗалыгыннан Фәнзил Шәйхетдинов та алдынгылар арасында. 
***
Машина белән сыер саву осталары арасында районда «Яшь көч» агрофирмасыннан Гөлнур Сибәгатуллина беренче урын яулады. 
Фәридә Галиева («Яңа Юраш») һәм Роза Кандова («Башак») шулай ук алда бара, алар быел 9 айда бер сыердан 7 мең килограммнан да артык сөт алуга ирешкән. 
***
Тәүлеклек артым бер килограммнан артып киткән — «Башак» авыл хуҗалыгы кооперативыннан Александр Холуев һәм Әхмәтҗанов КФХ хезмәткәре Азат Хуҗинның эш нәтиҗәләре шундый, алар мөгезле эре терлекләрне симертә. ***
"Яңа Юраш"тан Гөлфинур Галиева, "Башак"тан Надежда Гусева, "Яшь көч«тән Наталья Токранова тәрбияли торган маллар көн дә 900-1000 граммга артканга, алар райондагы бозау караучыларның иң яхшылары булып танылды. 
***
«Башак» кооперативында эшләүче Нина Галанина мөгезле эре терлек көтүен яңартуда иң яхшы технолог, 100 сыердан исәпләгәндә, ул 102 бозау алган. 

Яхшы уңыш алынды
«Мир» ҖЧҖ районда иң яхшы нәтиҗә күрсәткән, анда һәр гектардан 499 центнер ашлык суктырылган (район буенча уртача күрсәткеч 36 центнер тәшкил итә һәм тулаем алганда 71 мең тонна суктырылган). 
46,7 центнер — «Морт» агрофирмасында бөртеклеләрнең уртача уңышлылыгы шундый. 
«Аммоний Агротехнологияләр» җәмгыятендә әлеге күрсәткеч — 42,7 центнер.
«Яшь көч» агрофирмасында һәм "Нократ таңнары«нда бер әйләнәдән 39,9 центнер бөртеклеләр һәм бөртекле-кузаклылар алынган.
***
Комбайнчы Тимур Хәмидуллин («Яңа Юраш») бер җәйдә 2511 тонна ашлык суктырган. Аның хезмәттәше Руслан Хәмидуллин хезмәте нәтиҗәсе 2493 тонна тәшкил иткән.
"Яшь көч«тән Зөлфәт Шәкүров 2196 тонна ашлык суктырган. 
Әхмәтҗанов хуҗалыгыннан Игорь Васигин суктырган ашлык күләме 1906 тонна булган. 
***
Айнур Хәбибуллин («Яңа Юраш»), Василий Миронов («Аммоний Агротехнологияләр») һәм Виталий Жабриков («Башак») иң яхшы йөртүчеләр булып танылды.
***
Бик яхшы белгечләрнең эшен дә билгеләп үттеләр. Алар арасында 
— «Башак» авыл хуҗалыгы кооперативының баш агрономы Наталья Согорина, «Мир» җәмгыятенең терлекчелек комплексы башлыгы Алексей Култышев, «Яңа Юраш» агрофирмасы мөдире Илһам Хәбибуллин,
«Яшь көч» агрофирмасының баш зоотехнигы Илдар Хәбибуллин.
***
Быел 45 берәмлек техника сатып алынган, шул исәптән 3 трактор, 1 ашлык җыю һәм 1 терлек азыгы җыю комбайны, аларга 221 миллион сум акча киткән.
***
Районда терлекләрне кышлатуга 36 центнер терлек берәмлегеннән исәпләнгән азык тупланган. «Яшь көч» агрофирмасында бу күрсәткеч — 47,9, Әхмәтҗанов КФХнда — 42,4, «Мир» җәмгыятендә — 44,8 центнер терлек берәмлеге.
Барлыгы 11224 тонна печән, 26329 тонна силос, 45780 тонна сенаж әзерләнгән.