Алабуга фермаларында көн саен 72,2 тонна сөт савып алалар

Алабуга фермаларында көн саен 72,2 тонна сөт савып алалар, бу былтыргы дәрәҗәдән 22,1 тоннага күбрәк. «Мир» җәмгыятендәге күрсәткеч 32,2 тоннага (плюс 16,7), "Яңа Юраш"та 16,9 тоннага тигез (плюс 4,1). Бу хуҗалыкларда бер сыердан уртача 31 килограмм (плюс 12,1 килограмм) сөт савып алына һәм үсеш күрсәткече: 24,2 (плюс 5,9), район буенча уртача күрсәткеч: 23,8 (плюс 5,9 килограмм). 

Кышын да савым сыерлары көтүенең нәтиҗәлелеген ничек арттырып була дигән сорауга Александр Косов:

— Нигездә сыерларны яхшы тукландырганга, — дип җавап бирде, — аларга түп, кукуруз бөртекләре, премикслар һәм аксымлы-витаминлы өстәмәләр белән катнаштырылган азык ашаталар. Бу сөт сыйфатына да тәэсир итә, сөтнең майлылыгы 4 процент (гадәттә 3,2), аксымнар — 3,3-3,4, анысы да тиешледән (3) югарырак. Эшкәртү предприятиеләренә тапшырылган барлык сөт югары сорт белән бәяләнә.