Алабуга районы комбайнчыларының хезмәт ярышына йомгак ясадылар

Сентябрь башында район комбайнчыларының хезмәт ярышына йомгак ясадылар.

Урып җыю башыннан бирле «Яңа Юраш» агрофирмасы хезмәтчәне Тимур Хәмидуллин алдынгы дип танылды, ул «Акрос-580» комбайнында 2511 тонна ашлык суктырган. Шул ук хуҗалыктан Руслан Хәмидуллинның күрсәткече 2494 тонна («Акрос-585») тәшкил иткән.

Аларның хезмәттәше Динар Юнысов («Акрос-585») исәбендә — 2204 тонна ашлык, 2196 тонна — «Яшь көч» агрофирмасыннан шундый ук комбайнда эшләүче Зөлфәт Шакиров күрсәткече.

Бөртекле һәм бөртекле-кузаклы культураларны чабуда "Яңа Юраш«тан Илфат Гомәров һәм шул ук хуҗалыктан Илдус Гыйльметдинов, «Башак» авыл хуҗалыгы кооперативыннан Николай Савин, «Яшь көч» агрофирмасыннан Илнур Бохаров аеруча уңышка иреште.