Алабуга районы хуҗалыкларында көн саен 69,5 тонна сөт савып алына

Ел башыннан район фермаларында 18738 тонна сөт савып алынган — узган елның шушы вакыт аралыгы белән чагыштырганда, 3179 тоннага артык.

«Мир» җәмгыятендә бу күрсәткечләр 7293 һәм 2046 тоннага тигез. «Яңа Юраш» агрофирмасында — 4399 һәм 729 тонна, Әхмәтҗанов крестьян-фермер хуҗалыгында (Морт) сөт күләме 158 процентка арткан.

Тугыз айда район буенча бер сыердан исәпләгәндә, 6502 килограмм сөт алынган (плюс 883), «Мир» җәмгыятендә — 8259 килограмм (плюс 1445). «Яңа Юраш» агрофирмасында сыерлардан уртача савылган сөт күләме 6284 килограмм (плюс 1041) булган.

Сентябрь ахырына районда бер сыердан уртача 24,2 килограмм сөт савылган, бу былтыргыга караганда, 5 килога артык. «Мир» җәмгыятендә хәзер бер сыердан көненә 32,9 килограмм, «Яңа Юраш» агрофирмасында — 24,3 килограмм сөт савып алалар. Беренче хуҗалыкта тулаем сөт күләме тәүлегенә 28,8 тонна (плюс 12 тонна), икенчесендә бу күрсәткеч — 17 тонна (3,5 тоннага артык).

Тулаем алганда, район буенча көн саен 69,5 тонна сөт савып алына — 2021 елгы шушындый ук вакыт аралыгы нәтиҗәләре белән чагыштырганда, 134 процент.