Алабуга районында яхшы уңыш өчен ашламалар сатып алынды

Район хуҗалыклары тарафыннан барлыгы 6660 тонна минераль ашлама — 4559 тонна аммиак селитрасы һәм 2101 тонна катлаулы ашлама сатып алынган. Һәр гектар чәчүгә 75 килограммнан артык актив матдә туры килә. Ашлама сатып алу дәвам итә, узган атнада тагын 172 тонна сатып алынган. Минераль ашламалар ярдәмендә зур уңышка өметләнергә мөмкин булачак, дип хәбәр итә Алабуга районы башлыгының матбугат хезмәте. 

Чәчүлекләрнең гектарына 110 килограммга якын актив матдәне «Аммоний АгроТехнологии» ҖЧҖ, 101 кг «Мир» ҖЧҖ, 97,3 кг «АФ Вятские Зори» ҖЧҖ, 90 кг «Вятский берег» ҖЧҖ туплаган. Язгы культуралар чәчү белән параллель рәвештә көзге һәм язгы культураларның үсентеләрендә саклану чаралары үткәрү дә оештырыла. Чүп үләннәренең кисәк үсешен кисәтү өчен Алабуга районының барлык мәйданнарында гербицид эшкәртүләр үткәреләчәк.

Районда беренче булып 400 гектар горчица мәйданында «Аммоний АгроТехнологии» ҖЧҖ чәчүлекләрне гербицид белән эшкәртә башлады. 6,7 мең гектар мәйданда өстәмә тырмалау эшләрен «Яңа Юраш» ЯАҖ, «Якты үзән» ҖЧҖ, «АФ Яшь Көч» ҖЧҖ, «Колос» та үткәргәннәр.

Шунысын да билгеләп үтәргә кирәк, азык җыю техникасы 100% әзер. Районның азык әзерләүгә әзерлеге буенча ТР Авыл хуҗалыгы һәм азык-төлек министрлыгы белән үзара тикшерү 15 майга планлаштырыла.

фото превью: Алабуга районы башлыгының матбугат хезмәте.