Алабуга районы игенчеләре көчләрен дә, вакытларын да кызганмадылар

Район Авыл хуҗалыгы һәм азык-төлек идарәсе мәгълүматларына караганда, Алабуга авыл хуҗалыгы предприятиеләре быел 72088 тонна бөртекле һәм кузаклы культуралар җыеп алган, аларның һәр гектары уртача 31,8 центнер тәшкил итә. Иң югары уңыш — 44,1 центнер — «Нократ таңнары» ҖЧҖендә. «Яшь көч» агрофирмасында гектардан 39,5 центнер ашлык суктырылган, «Мир» ҖЧҖендә — 35,8 центнер.
Иң уңдырышлы культура — тритикале (гектардан 60,3 центнер). Бер гектардан көзге бодай — 32,9 центнер, арыш — 29,8 центнер, сабан бодае 29,6 центнер җыеп алынган.
***
Дөрес агротехника куллану һәм тиешле игътибар яшелчә плантацияләренә уңай йогынты ясаган. Шулай итеп, «Нократ таңнары» ҖЧҖендә суган — 2513 тонна алынды, бу бер гектарга 250 центнер, аш чөгендере — 3201 тонна (325 центнер), кәбестә — 3360 тонна (300 центнер). 70685 тонна җыеп алынган бәрәңге уңышы һәр гектардан 290 центнер тәшкил итте.
***
Сезон эчендә терлекләрне кышлатуга яхшы гына азык базасы булдырылган: сенаж — 45 мең тонна, печән — 10272 тонна, силос (аны кукуруздан әзерләү әле дәвам итә) — 149000 тонна. Нәтиҗәдә, районда, шартлы терлеккә исәпләгәндә 35,5 центнер азык берәмлеге бар. «Мир» ҖЧҖендә бу күрсәткеч 58,4 центнер, «Яшь көч» агрофирмасында — 41, «Якты үзән» ҖЧҖендә 33,6 центнер тәшкил итә.
***
Комбайнчылар арасында «Яңа Юраш» агрофирмасыннан абыйлы-энеле Хәмидуллиннар аеруча аерылып торды, аларның һәркайсы "Акрос«та эшләде. Тимур бункердан — 2855 тонна, Руслан 2778 тонна ашлык бушаткан. Аларның хезмәттәшләре Илсур Шәйдуллин шундый ук комбайнда 2746 тонна ашлык суктырган.
«Яшь көч» агрофирмасыннан Дамир Гәрәев бик яхшы нәтиҗә күрсәткән — 2286 тонна. «Бехтерево» ҖЧҖеннән Александр Ижболдин 2100 тонна бөртекле һәм кузаклы культуралар суктырган.
Игеннәрне чабуда «Яшь көч» агрофирмасыннан Игорь Насиров аеруча аерылып торды, аның исәбендә — 800 гектар. Николай Савинның («Башак» авыл хуҗалыгы кооперативы) күрсәткече тагын да югарырак — 957 гектар.
Ашлыкны комбайннардан ындырга ташуда «Яңа Юраш» агрофирмасыннан Васил Мөхәммәтшин яхшы нәтиҗә күрсәтте (3409 тонна). Басулардан кайтарылган 2353 тонна ашлык Александр Каишев («Яшь көч» агрофирмасы) исәбендә. Шул ук хуҗалыктагы Рәмис Хәбибуллин сезон эчендә 7244 тонна вакланган яшел масса ташыган.
***
Көзге кырлар әле бөтенләй үк бушап калмады — бу көннәрдә механизаторлар туфракны төп эшкәртү эшләрен төгәлли, ә аерым авыл хуҗалыгы предприятиеләрендә («Яшь көч», «Алабуга икмәк кабул итү предприятиесе» ҖЧҖ, «Башак», Әхмәтҗанов крестьян-фермер хуҗалыгы) бу эш инде төгәлләнгән. Бер көнгә өстәмә 820-1000 гектарга җитә.
«Яңа Юраш» агрофирмасыннан Рәшит Сафин АТМ-4200 тракторында сезон эчендә 3380 эталон гектар, Алмаз Закиров («Яшь көч» агрофирмасы) ХТХ-215 тракторында 2261 гектар эшкәрткән.