Иске Юраш авылында яшәүчегә саву аппараты тапшырылды

Иске Юрашта авыл җирлеге башлыгының отчет сессиясе булып узды. Чара район башлыгы Рөстәм Нуриев катнашында узды.

Сессия барышында Иске Юрашта яшәүче Ришат Муллахмәтовка саву аппараты тапшырылды. Ришат Муллахмәтов билгеләп үткәнчә, мондый бүләк аңа бик кирәк булачак, чөнки аның шәхси хуҗалыгында 6 сыер, 3 үгез, 1 тана, берничә баш бозау һәм бер ат асрала.

Әйтергә кирәк, сыер саву аппаратлары авылда күп сыер асраучыларга биреләчәк.

Терлекчелек белән җитди шөгыльләнергә җыенучы хуҗалыкларга да финанс ярдәме күрсәтеләчәк.