Морт авылында балалар өчен Чыршы бәйрәме үтте

Морт авылы клубында балалар өчен чыршы бәйрәме үткәрделәр. Балалар «Йөзек салыш», «Капкалы», «Чүпләмле» халык уеннарын яратып уйнады, чыршы тирәсендә әйлән-бәйлән йөрделәр, төрле бәйгеләрдә катнаштылар. «Яшьлек» ансамбле тамашачы хозураны биюләр тәкъдим итте. Ә Кыш бабабй белән Кар кызы татлы бүләкләр өләште.

Моннан тыш, балаларның Чыршы бәйрәмен Германиядән килгән төркем төшерде. KiKA немец иҗтимагый балалар каналы фильм төшерергә планлаштыра. Фильм төшерүнең максаты — татар мәдәнияте, аерым алганда, Кыш Бабай һәм Кар Кызы катнашында Яңа елны каршылау һәм бәйрәм итү турында фильм төшерү. 

Авыл халкы оештыручыларга үзләренең рәхмәтләрен җиткерә.