Рәхмәт хаты
Сайлаулар алдыннан күп, бик күп вәгъдәләр бирелә. Аларның еш кына очы-кырые күренми башлый. Халык та аларның сүздә генә калуына күптән күнегеп бетте. Тик менә авыл-калалардан килгән рәхмәт хатлары бу фикернең ялгыш булуын раслый. Бу юлы без шундый хатның берсе белән таныштырабыз.
"Алабуга нуры" газетасы аша Татарстан Республикасы Дәүләт Советы депутаты Леонид Барышевка зур рәхмәтебезне җиткерәсебез килә. Ул Морт авылы халкы алдында үзенең чынлап та эш кешесе икәнен, биргән вәгъдәсенең буш сүз генә булмавын тагын бер кат раслады. Безнең авылга сайлаучылар белән очрашуга килгәч, Леонид Барышевка күп төрле сораулар белән мөрәҗәгать иттеләр. Шуларның берсе балалар өчен уен мәйданчыгы урнаштыру иде. Әйткән сүз - аткан ук дигәндәй, тиз арада балалар бакчасына барлык кирәк-яракларын төяп, эшчеләр килеп төште. Бер көн эчендә балаларга шуарга таучык, атынгычлар, уңайлы утыргычлар пәйда булды. Авыл җирендә мондый уен мәйданчыгын күрү балаларга гына түгел, өлкәннәр өчен дә зур куаныч. Сабыйларны шатландырган, әти-әниләрнең гозерен ишеткән һәм кичекмәстән башкарган өчен, без аңа озын гомер, эшендә зур уңышлар телибез.
Морт балалар бакчасы коллективы һәм әти-әниләр
Следите за самым важным и интересным в Telegram-каналеТатмедиа
Нет комментариев