Тормыш сыйфатын бергәләп үстерәләр

Сорау − җавап

Геннадий Емельяновка биш кеше шәхси сораулары белән мөрәҗәгать итте.  

Светлана Почкалина Лекаревода балалар бакчасы төзү мәсьәләсе буенча килгән. Биредә мәктәпкәчә яшьтәге 39 бала теркәлгән, шуларның унысы Армалы бакчасына йөри.

− Лекарево мәктәбен капиталь төзекләндерүгә 19 миллион сум акча бүлеп бирү турында ТР Министрлар кабинеты карары чыкты. Тәкъдимебезне хупласагыз, аерым керү юлы белән без анда балалар бакчасы да урнаштырырбыз, − диде Мәгариф идарәсе башлыгы Ривал Зарипов. Район башлыгы аны хуплады:

− Әлбәттә, әйдәгез шулай эшлибез.

Олы Армалыдан Клавдия Парамонова аларның клубын кайчан төзекләндерәчәкләрен белергә тели. Бинага 51 ел икән инде.

− Сезнең клубны төзекләндерү 2019 елга планлаштырылган, − дип җавап бирде район башлыгы.

Клавдия Николай кызының икенче соравы балалар мәйданчыгына кагылышлы иде. Бу эш тә киләсе елга ниятләнгән.   

Халыкны кабул итү вакытында газ үткәрү, зират урынын киңәйтү, шәхси хуҗалык алып бару өчен кишәрлек турында сораулар булды. Алар барысы да тикшерүгә алынды, җаваплы затлар билгеләнде.

 Әйтергә кирәк, үткән елгы сессия барышында район башлыгына мөрәҗәгать итүче Лекарево мәктәбе директоры  Владимир Кузьмин канәгать:

− Ике сорау белән килгән идем. Беренчесе – мәктәпне капиталь төзекләндерү, аңа 30 елдан артты. Хәзер анда 52 укучы белем ала, 1нче сыйныфка тагын 8-10 бала килер дип көтәбез, мәктәп җылы, уңайлы булырга тиеш. Бу мәсьәлә чишелде, быел мәктәп төзекләндереләчәк. Икенче сорау күрсәтмә-методик әсбаплар хакында иде. Билгеле, барысын да берьюлы хәл итеп булмый, ләкин, бу яктан да алга китеш булыр дип уйлыйм.

Отдельно

Лекарево авыл җирлегенә 4 торак пункты керә. Халыкның гомуми саны – 648 кеше.

2017 елда башкарылган эшләр:

- гражданнарның үзара салымыннан җыелган 190 мең сумга Олы Армалыда Башиловка Лекаревода Шаталовка урамнарына вак таш җәелгән;

- җирлек бюджеты хисабына Шаталовка урамына керү юлына (100 м),  өлешчә Рябиновка урамына вак таш җәелгән, Мәктәп урамында чокыр ямалган, зиратка бара торган юл ныгытылган;

- Россиядәге экология елы кысаларында җирлектә яшәүчеләр “Россиянең чиста елгалары” җәмәгать оешмасы иреклеләре белән бергә Лекарево буасын   яшь сазаннар белән баеткан; 

- Лекарево (Куликовка, Мәскәү, Олы Юл урамнары), Олы Армалы (Үзәк, Идарә урамнары), Иске Армалы (Тынычлык урамы) авылларында урамнарга яктырткычлар куелган;

- авылның кайбер урамнарында урам утын торгызу буенча республика  программасы нигезендә яктырткычлар урнаштырылган;

- Лекарево һәм Олы Армалы кирәкмәс агачлардан арындырылган;

- җирлеккә керү юлында стела куелган;

- Олы Армалыда насос төзекләндерелгән, яңасы запаска алынган;

- ТР җәмәгать киңлекләре кысаларында балалар мәйданчыгы  урнаштырылган;

- Лекарево авылы уртасында Wi-Fi роутер урнаштырылган, бушлай  Интернет радиусы − 150 м;

- ТР Муниципаль берләшмәләр Советыннан грант чараларына МТЗ 82.1. тракторы сатып алынган.

2018 елга планлаштырылган эшләр:

- җирлек авылларында яктырткычлар урнаштыру (шул исәптән авыл җирлекләрендәге урамнарны яктыртуны торгызуның республика программасы буенча);

- табигый чыганакларны төзекләндерүне дәвам итү;

- Армалы һәм Лекарево авлларында юлларга вак таш җәю, җирле бюджет хисабына чокырларны ямау.