Урак өсте алдыннан

Алабуга районында авыл хуҗалыгы формированиеләренең урып-җыю эшләренә әзерлек дәрәҗәсе тикшерелде. Шунысы игътибарга лаек, Авыл хуҗалыгы министрлыгы вәкилләре катнашындагы комиссия алабугалыларга бик югары бәя бирде – 50 мөмкинлектән 47,3 балл. Өстәвенә, иң күп баллны “Яшь Көч” агрофирмасы алды. Икенче урында (49 балл) – “Яңа Юраш” агрофирмасы, өченчедә 48 балл җыйган “Башак” авыл хуҗалыгы кооперативы.

Район авыл хуҗалыгы һәм азык-төлек идарәсенең җитештерү-маркетинг бүлеге җитәкчесе Александр Косов сүзләренә караганда, икмәк җыю комбайннары (аерым алганда, аларның герметиклыгы) һәм ашлык ташу өчен билгеләнгән транспорт кына түгел, ә туфракны төп эшкәртү техникасы – сабан сөргечләр, культиваторлар да тикшерелде.

Комиссия ындыр табакларында булды, анда ашлык эшкәртү техникасын әзерләү сыйфатына аерым игътибар бирде. Иминлекне саклау һәм эшче көчләр булуы да, игътибардан читтә калмады.