Урак төгәлләнүгә бара
Узган атна ахырында явып узган көчле яңгырлар райондагы урып-җыю эшләрен ике көнгә туктатып торды. Тик кояш чыгып, җирләр киптерү белән, машина-трактор паркында хәрәкәтсез торган кыр кораблары янә ашыгып басуларга чыкты.
Авыл хуҗалыгы һәм азык-төлек идарәсеннән алынган мәгълүматларга караганда, 15 августка ике агрофирма - "Яшь көч" һәм "ХПП" үзләрендә урып-җыю эшләрен тулысынча төгәлләгән. Тулаем район буенча уртача күрсәткеч 76 процент тәшкил итә. Фермер-крестьян хуҗалыкларында бу сан 70 процент чамасы. "Әшрәфҗанов", "Шакирҗанов", "Гарифуллин", "Кашапов", фермер хуҗалыклары иген-таруларын җыеп бетереп амбарларына салып куярга өлгергәннәр.
Кайбер агрофирмалардагы эш күрсәткечләренә игътибар итсәк, алар түбәндәгечә: "Стахеев" ААҖдә сугу мәйданнарының уннан бере генә калып бара диярлек. "Восход"та план үтәлеше 84 процент булса, "Морт"та ул - 78 процент тәшкил итә. Юрашлылар 3600 гектар мәйданның төгәл өчтән ике өлешен, ягъни 2400 гектарын җыеп суктырырга өлгергәннәр. "Нократ таңнары"нда август уртасына үстерелгән игеннең янә 37 процентын урып-суктырасы калган.
Тулы ышаныч белән урак соңгы фазасына керде дияргә була. Көннәр явымсыз торса, тагын атна-ун көннән урып-җыю эшләре барлык хуҗалыкларда да төгәлләнәчәк.
Фирдәвес Хуҗин
Следите за самым важным и интересным в Telegram-каналеТатмедиа
Нет комментариев