Диңгез кәбестәсе (ламинария)

Япон галимнәре күп кенә тикшеренүләр үткәргәннән соң диңгез кәбестәсенең сөт бизендәге яман шешне туктатырга сәләтле булуын да ачыклаганнар.

Даруханәләрдә киптереп сатыла торган ламинарияне эч катудан файдаланалар. Моның өчен бер чәй кашыгы кипкән ламинарияне көнгә бер тапкыр 1 стакан су белән эчеп җибәрергә кирәк. Даими рәвештә шулай эшләгәндә организм зарарлы матдәләрдән чистарачак, матдәләр алмашы нормага киләчәк.

Тартылган, җыерчыкланган тирене дәвалау өчен дә менә дигән хәзинә ул! Моның өчен 1-2 аш кашыгы киптерелгән диңгез кәбестәсен кайнаган су белән җебетәләр. 15-20 минут дигәндә аның күләме 5-6 тапкыр артачак. Әзер катнашманы авыру тирегә сөртеп, 15-20 минут тотарга кирәк. Шул рәвешле биткә маска да ясарга була. Атнага ике тапкыр шулай эшләгәндә, тән тиресе яшәреп, матурланып китәчәк. Ә тартылган җирләре үз урынына кайтачак. Бу бигрәк тә бала тапкан хатын-кызлар өчен мөһим.

1 чәй кашыгы киптерелгән диңгез кәбестәсенә ярты стакан кайнаган су салырга кирәк. Кәбестә бүртеп чыккач, шушы катнашманы эчеп, нервларны тынычландырырга була. Йокы алдыннан эчсәң - йокысызлыктан булыша.

Диңгез кәбестәсе кан тамырларын ныгыта, йөрәк эшчәнлеген яхшырта, кан басымын нормальләштерә. Аны көндәлек туклану ризыкларына кушып ашаганда, организмдагы холестерин күләме кимеячәк.

Ревматоид авыруларыннан да бик файдалы бу табигать хәзинәсе. Мисал өчен, авырткан билне түбәндәгечә дәвалыйлар: 2 аш кашыгы коры ламинарияне 1 литр кайнар суга салып, термоста тоталар. 10 сәгать төнәтәләр. Соңыннан шушы катнашманы авырту урынга сөртәләр. Җылы әйбер белән төреп куялар. Ә аякларны шушындый ваннада тоту сызлануларны бетерергә ярдәм итә.

Диңгез кәбестәсе белән салат

1 банка диңгез кәбестәсе, 4 пешкән йомырка, 1 уртача зурлыктагы суган, 2-3 тозлы кыяр, яшел борчак, 2 пешкән бәрәңге, каты сыр, майонез.

Йомырканы, суганны, бәрәңгене, кыярны турарга, сырны эре кыргычтан чыгарырга һәм барысын бергә болгатырга. Диңгез кәбестәсе кушып майонез белән бутарга.

vatantat.ru сайтыннан