Алабуга нуры

Чүлмәк ашлары

Хуҗабикәләрнең миен көн дә бораулап торган бер сорау бер - бүген нәрсә пешерергә? Ашмы, макарон яисә карабодай боткасымы? Файдалы да, тәмле дә булсын, кабатланмасын да. Без китергән рецептлар хөрмәтле хуҗабикәләргә кирәкле булып дип ышанабыз. Ашларыгыз тәмле булсын!

Пылау

150 г сыер ите, 1 кишер, 1 суган, 0,5 стакан дөге, 1 стакан кайнар су, пылау өчен тәмләткеч, тоз, борыч, үсемлек мае.

Итне зур булмаган кисәкләргә турыйсы да, әзер булганчы үсемлек маенда кыздырып аласы. Суган белән кишерне турап, кызарганчы кыздырасы. Чүлмәк төбенә ит, аның өстенә кишер белән суган саласы. Дөге, пылау өчен тәмләткеч, тоз, борыч салып, өстенә кайнар су агызасы. Чүлмәкләрне 180 градуска кадәр җылытылган мичкә 1 сәгатькә куясы.

Кабак һәм гөмбә белән тавык ите

300 г тавык ите, 600 г чистартылган кабак, 2 баш суган, 50 г киптерелгән гөмбә, 0,5 стакан су, тоз, борыч.

Гөмбәне бер сәгатькә салкын суга салып җебетәсе. Суын сөзеп, ваклап турыйсы. Кабакны, суганны һәм тавык итен шакмаклап турыйсы. Барысын бергә чүлмәкләргә салып, өстенә су агызасы. Кайнар мичтә әзер булганчы томалап пешерәсе.

Балыктан кыздырма

500-600 г балык филесы, 100 мл үсемлек мае, 2 баш суган, 3 аш кашыгы томат пастасы, тәменчә төелгән кызыл борыч, 250 мл балык шулпасы, ярты баш сарымсак, яшел тәмләткечләр, тәменчә тоз, 1-2 дәфнә яфрагы, 5-6 түгәрәк кара борыч.

Иң элек кайнап торган суга дәфнә яфрагы, түгәрәк кара борыч салып, балык сөякләреннән шулпа кайнатасы. Кисәкләргә бүленгән балык филесын, тоз сибеп, үсемлек маенда кыздырасы. Суганны турап, шулай ук үсемлек маенда сикертеп аласы да, өстенә томат пастасы, төелгән кызыл борыч салып болгатасы. Шуңа балык шулпасы агызып, кайнап чыкканчы утта тотасы. Кыздырылган балык кисәкләрен чүлмәкләр төбенә тезеп чыгасы һәм өстенә кыздырылган шулпа агызасы. Вак угычтан чыгарылган сарымсак һәм яшел тәмләткечләр өстисе һәм 180 градуслы мичтә 50 минутлап пешерәсе.

Гөмбә һәм ит белән пилмән

Пилмән, 2 баш суган, 1-2 кисәк тавык филесы, 1 литр тавык шулпасы, 400 г шампиньон, 1 стакан каймак, 100 г сыер мае, тәменчә тоз, борыч.

Пилмәнне, пешеп чыкмаслык итеп, кайнар суда сикертеп аласы, дуршлагка салып, атланмай белән болгатасы. Суганны шампиньон белән кыздырасы. Янына тавык ите кушып, тагын кыздырып аласы. Бераз гына тавык шулпасы, каймак, тоз, борыч өстәп, сүрән утта сикертеп аласы. Чүлмәкләргә берничә пилмән салып, өстенә итле, гөмбәле шулпа агызып, кайнар мичтә томалап пешерәсе.

Нравится
Поделиться:
Реклама
Комментарии (0)
  • 16 февраля 2018 в 15:45
    В Елабуге состоится концерт мастеров искусств Завтра в 18.30 в городском Дворце культуры состоится концерт мастеров искусств.
    21
    0
    0
  • 16 февраля 2018 в 12:00
    Үкенечле ядкяр Беренче мәртәбә Язиләнең фотоальбомында буш калган бу битне Нурзифа Х классны тәмамлаган, инде кулга аттестатлар алган, котлаулар тыңлаган һәм хушлашу кичәсе узган көнне, дөресрәге, туып килүче иртәне күргән иде.
    19
    0
    0
  • 16 февраля 2018 в 11:00
    ...Кайнар белен – иң яхшы ашамлык! Май чабу атнасы тиздән ахырына якынлаша, ләкин әле беленнәр белән сыйланыр өчен безнең тагын өч көн бар.
    18
    0
    0
  • 16 февраля 2018 в 10:00
    Бокс – ул яшәү рәвеше Казанда 2004-2005 елгы үсмерләр арасында бокс буенча Татарстан Республикасы беренчелеге узды.
    20
    0
    0
  • 16 февраля 2018 в 08:51
    Алабугалылар сорауларына җавап алды Алабуга шәһәр мәдәният сараенда Ветераннар советының җәмәгать кабул итүе булды.
    19
    0
    0
  • 16 февраля 2018 в 08:42
    Әфганчылар көне 15 февральдә совет гаскәрләренең Әфган җиреннән чыгарылуына 29 ел тулуына багышланган митинг булды. Әфган җирендә 9 ел эчендә 15 мең кеше һәлак булган.
    21
    0
    0
  • 16 февраля 2018 в 08:30
    Рак: ничек кисәтергә Дөньяда ел саен 10 миллион кешедә рак табыла. “Онкология” диагнозы көн саен 27 мең кешегә куела булып чыга, шуларның 1,5 меңе – россиялеләр. Алабуга районында бүген 1700 кеше онкологта исәптә тора. Ике ел эчендә әлеге коточкыч диагноз районның 300дән артык кешесенә куелган.
    20
    0
    0
  • 16 февраля 2018 в 08:09
    Гражданнарның үзара салым программасы 2,8 миллиард сум акча җәлеп итте Татарстанда үзара салым буенча халыктан җыелган һәр 1 сумга бюджеттан 4 сум бүленә.
    17
    0
    0
  • 23 октября 2017 в 14:24
    Защити себя!
  • 16 февраля 2018 в 08:42
    Әфганчылар көне 15 февральдә совет гаскәрләренең Әфган җиреннән чыгарылуына 29 ел тулуына багышланган митинг булды. Әфган җирендә 9 ел эчендә 15 мең кеше һәлак булган.
    21
    0
    0
  • 16 февраля 2018 в 15:45
    В Елабуге состоится концерт мастеров искусств Завтра в 18.30 в городском Дворце культуры состоится концерт мастеров искусств.
    21
    0
    0
  • 16 февраля 2018 в 08:30
    Рак: ничек кисәтергә Дөньяда ел саен 10 миллион кешедә рак табыла. “Онкология” диагнозы көн саен 27 мең кешегә куела булып чыга, шуларның 1,5 меңе – россиялеләр. Алабуга районында бүген 1700 кеше онкологта исәптә тора. Ике ел эчендә әлеге коточкыч диагноз районның 300дән артык кешесенә куелган.
    20
    0
    0