Диетологлар көнгә ничә мандарин ашарга кирәклекне аңлатты

Организмга зыян китермәс өчен, диетологлар тәүлегенә өч-дүрт җиләк-җимеш ашарга киңәш итә. Ач карынга мандарин ашарга ярамый, чөнки цитрустагы кислоталар ашказаны-эчәк трактының лайласына зыян китерергә мөмкин.

Төнгә бер пар мандарин калориясе түбән булу сәбәпле, сәламәтлеккә һәм фигурага зыян китермәячәк. Җиләк-җимеш тиресеннән шифалы ризыклар һәм чәй әзерлиләр. Аның төшләре шулай ук ашарга яраклы, әмма алар белән мавыкмаска кирәк. Аларны ашаганчы алып ташлау хәерлерәк.

Мандаринның файдасы бәяләп бетергесез. Шул ук вакытта алар хатын-кызлар һәм ир-атлар организмына аерым йогынты ясый. Кызлар өчен цитруста аз санда калорияләр (100 г га 40 ккал) һәм матдәләр булуы мөһим,алар ябыгуга ярдәм итә.

Шулай ук бу җимеш тән тиресенә уңай тәэсир итә — мандаринның концентрацияләнгән мае күп кенә косметик чараларда бар. Ә даими кулланганда, хатын-кызларда стресска чыдамлык артуы һәм депрессив халәтләрдән арынуы күзәтелә.
Чыганак
Фото: pixabay.com