Алабуга нуры

Лимон джемы ясыйбыз

Файдалы һәм тәмле, бик тиз ясала торган тәмлүшкә

Кирәк булачак: 
1 кг лимон

3 кг шикәр комы

2 л су

Әзерлибез: 

1. Лимонны җылы су астында яхшылап юабыз.

2. Тышы белән бергә юка телемнәргә турыйбыз. (лимонның төшләрен алырга онытмагыз — алмасагыз джем әче булачак!)

3. Туралган лимонны кәстрүлгә бушатып, өстенә кайнатылган (ләкин кайнар булмаган ) су салып бер көнгә каплап куябыз.

4. Бер көн үткәч, шул ук кәстрүлдә талгын утка пешерергә куябыз. Лимонның кабыгы йомшарганчы пешерәбез.

5. Аннан шикәр комын салып яхшылап болгатабыз.

6. Кайнатманы тагын 20 минут ут өстендә тотарга кирәк.

7. Джемны банкага тутырып кайнар сулы савытка утыртып, суытабыз.
Фото: pixabay.com

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: