Алабуга нуры

Яшел тәмләткечләр файдасы

Белгечләр кайсы яшел тәмләткечнең файдалырак икәнен ачыклады.

Белгечләр кайсы яшел тәмләткечнең файдалырак икәнен ачыклады. Беренче бишлеккә: укроп, петрушка, сельдерей, руккола, фенхель кергән. 

Сельдерей А, В, K һәм Е витаминнарына бай. Анда протеин бар, шуңа эчәклек өчен файдалы. Стресстан коткара, арыганда көч кертә, су-тоз алмашын җайга сала, хәтерне яхшырта. 

Укропта В төркеме, С, А, Е, Р витаминнары, тимер, кальций, магний, фосфор күп. Ул кан тамырларын киңәйтә, баш мие эшчәнлеген яхшырта, ашказаны-эчәк тракты авыруларыннан булыша. 

Петрушкада С витамины цитруслылардан өч тапкыр күбрәк. Анда А, Р, Е витаминнары, фосфор, кальций, магний бар. Петрушка иммунитетны күтәрә, ашказаны-эчәк тракты авыруларын кисәтә, организмнан артык сыеклыкны чыгара. 

Фенхель Е һәм В витаминнарына бай. Иммунитетны күтәрә, эчәклек эшчәнлеген яхшырта, бөер, бавырга файдалы. 

Руккола клетчаткага бай, аппетитны киметә, шунлыктан ябыгырга булыша. Ашкайнату системасына файдалы, иммунитетны күтәрә, канда шикәрне киметә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: