7 табигый «антибиотик»: нутрициолог киңәшләре

Нутрициолог Евгения Новикова фикеренчә, кайбер продуктлар антибактериаль үзенчәлекләре аркасында антибиотикларны алыштыра ала. Өстәвенә, аларның организмга булган тискәре йогынтысы синтетик препаратларныкыннан күпкә кимрәк. 

Сарымсак — салкын тию авыруларын профилактикалау өчен бик мөһим, иммун системасын ныгытырга ярдәм итә. Шулай ук артрит һәм инсультны профилактикалау өчен дә тәкъдим ителә. Ашказаны-эчәк тракты, эпилепсия авырулары вакытында кулланырга ярамый.

Мүк җиләге (клюква) — бәвел-җенес системасы инфекцияләрен дәвалауда, яралар эшкәртү өчен кулланыла. Ашказаны җәрәхәте һәм гастрит булганда киңәш ителми.

Нарат җиләге (брусника) — сидек системасы патологияләрен кисәтү өчен, анемия, невроз вакытларында эффектив чара. Гастрит, ашказаны җәрәхәте булса, операциядән соң тернәкләнү чорында куллану киңәш ителми.

Торма — яраны эшкәртү өчен, салкын тигәндә, коры ютәлне дәвалаганда кулланырга мөмкин. Ашказаны җәрәхәте һәм гастрит булганда шулай ук кулланырга киңәш ителми. 

Балан — ангина, бронхит, пневмония, фурункулез, бетчәләрне дәвалауда бик яхшы ярдәм итә. Тромбофлебит булса, йөклелек вакытында, ашказаны-эчәк тракты патологияләре вакытында саклык белән кабул итәсе.

Керән — бәвел-җенес системасы ялкынсынуы, подагра, ревматизм, ангина белән авырганда ярдәм итәчәк. Ашказаны-эчәк тракты ялкынсынганда, шулай ук операциядән соңгы чорда киңәш ителми.

Горчица — салкын тию, гипертония, үт куыгы һәм бавыр патологияләрен дәвалауда алыштыргысыз. Туберкулез вакытында куллану тыелган.

Фото: freepik.com