Белгеч кемнәргә яшел чәй эчәргә ярамаганлыгы турында сөйләде

Диетолог Светлана Фус үзенең Инстаграмм аккаунтында хәбәр иткәнчә, бу эчемлек минераль тозларга, танин һәм кофеинга бай. Шулай да кайбер кешеләргә аны эчмәү яхшырак. Бу хакта РИА Новости хәбәр итә. 

Салкын яшел чәйдә бик күп зарарлы матдәләр бар. Йөкле хатын-кызларга яшел чәйне күп эчәргә ярамый, моннан тыш, аны каты итеп ясарга да кирәк түгел. Яшел чәйдә кофеин күп һәм ул фолий кислотасын үзләштерүгә комачау итә. Шул ук сәбәп аркасында аны глаукома һәм гипертония вакытында кулланырга кирәк түгел.

Һәр чынаяк яшел чәйдән соң икенчесен эчәр алдыннан 2-3 сәгать вакыт көтәргә кирәк. Нәкъ менә шул вакыт эчендә кофеин эшкәртелә һәм нерв системасына артык авырлык килми. 

Фото: pixabay.com