Алабуга нуры

Алабуга районы

18+
2024 - Гаилә елы
БЕЗДӘН – КИҢӘШ, СЕЗДӘН – ЭШ

Бәйрәм табынына

Яңа ел бәйрәме җитә башласа, табынга нинди генә яңарак салат ясыйм икән, дип баш вата хуҗабикәләр. Узып баручы 2015 елда чыгучы соңгы санда сезнең игътибарга берничә салат рецепты тәкъдим итәбез. Бәйрәмнәрегез күңелле үтсен!

"Коко Шанель" салаты

400 г пешкән тавык ите, 400 г помидор, 400 г бәрәңге, 300 г болгар борычы, 250 г сыр, зәйтүн яки башка төрле үсемлек мае, лимон согы, тәменчә тоз, борыч. Тавык итен, бәрәңгене, борычны саламлап, помидорны зур булмаган кисәкләргә турарга. Сырны уртача зурлыктагы угычтан уарга. Барысын бергә кушарга. Үсемлек мае, лимон согы, тоз, борычны яхшылап болгатырга. Әлеге соусны ризыклар өстенә коеп, болгатырга.

"Шанхай" салаты

400 г пешкән тавык ите, 400 г шампиньон, башлы суган, 200 г әстерхан чикләвеге, 400 г сыр, 1 банка консервланган кукуруз, 1 банка консервланган ананас, тәменчә майонез. Гөмбәне чистартып турарга да, суган белән бергә, майлы табада кыздырырга. Чикләвекне пычак белән изәргә. Сырны эре угыч аша чыгарырга. Кукуруз белән ананасны суыннан саркытырга, ананасны турарга. Барлык ризыкны бергә кушарга. Тоз сибәргә кирәкми. Майонез белән болгатырга.

"Мәрмәр" уралма

700 г тавык ите, тәменчә тоз, борыч, 3-4 тырнак сарымсак, 1 бал кашыгы паприка тәмләткече, 30 г желатин, кипкән яшел тәмләткечләр. Тавык итен шакмаклап турарга. Шуңа вак итеп туралган сарымсак, желатин, тәмләткечләрне салырга. Яхшылап болгатырга. Кош итләрен пешерә торган пакетка салып бәйләргә дә духовкага 50 минутка пешерергә куярга. Пешеп чыкканнан соң, бүлмә температурасында суытырга. Бераз суынгач, уралма рәвешенә керсен өчен бау белән урарга. Суынып җиткәч, 5-7 сәгать чамасы суыткычта тотарга. Пакетыннан арындырып, тәгәрмәчләп кисеп, табынга куярга.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев