Кабактан бик тәмле пирог әзерләү ысулы

Кирәкле ингредиентлар:

Кабак — 440 г, атланмай — 120 г, йомырка — 3 данә, лимон — 1 данә, шикәр комы — 140 г, он — 150 г, сода — 1 чәй кашыгы.

Әзерләү тәртибе:

• Чистартылган кабакны угычның эре тишекле, ә кабыгы белән лимонны вак тишекле ягында уарга. 
• Лимонның суын сыгарга. 
• Атланмайга башта шикәр, аннары йомырка салып болгатырга.
• Аңа лимон, аннары кабак белән он өстәп туглауны дәвам итәргә.
• Аннары лимон суы белән сүндерелгән сода салырга. 
• Майланган табада 180 градуска кадәр җылытылган мичтә ярты сәгать пешерергә.

Фото: freepik. com