Картаюны акрынайта торган җиләкне атадылар

Диетолог һәм дөрес туклану буенча китап авторы Лиза Янг тән һәм баш мие картаюын акрынайту өчен караҗиләк (черника) ашарга киңәш итә. Аның сүзләренчә, бу җиләк А һәм С витаминнарына, шулай ук организмга озаграк яшь калырга ярдәм итүче антоцианнарга бай, дип хәбәр итә PRIMPRESS.

«Бу антиоксидантлар ялкынсынуны булдырмый калырга һәм организмга картаюга һәм авыруларга каршы көрәшергә ярдәм итә. Алар шулай ук тирене яшь һәм сәламәт итәргә булыша», — дип сөйли диетолог.

Моннан тыш, караҗиләк картаюга китерә торган ДНКның зарарлануын кисәтә.

Сүз уңаеннан, әлеге җиләкне яман шешне һәм ДНК мутациясе һәм җимерелүенә бәйле башка авыруларны профилактикалау өчен кулланырга мөмкин. Шулай ук караҗиләк гомер озынлыгын арттырырга сәләтле.

Фото: freepik.com