Каты кортны ничек бетерергә

— Проволочник, гадәттә, әче туфракта була. Шуңа иң элек бакчагызның туфрагы нинди икәнен ачыкларга иде. Туфрак азрак әчерәк икән, 1 квадрат метрга 250-300 грамм, уртача әчелектә булса, 500-600 грамм исәбеннән известь яки доломит оны кертергә кирәк. Моны көзен җирне сөрү, казу алдыннан эшләү яхшырак, проволочник качачак. Известьләүнең файдасы кимендә 7-8 елга җитә. Корткычка каршы махсус препаратлар да бар. Мәсәлән, «Провотокс» чыннан да проволочникны юк итә, әмма җир әче булса, алар кабат барлыкка киләчәк. Каты корт дымлы урынны ярата.

Чыганак