Өйдә сезне бәхетле итә торган 7 әйбер

Бу фәнни яктан да расланган. Мәсәлән, атна саен бүлмәгезгә тере чәчәкләр алып кайтып куегыз яки пространствоны томалап торган кирәксез әйберләрдән котылыгыз.

1. Яшел йә сары стеналар
Амстердамның Врие университеты тикшеренүләре нәкъ менә шушы ике төснең бәхетле эмоцияләр тудыруын ачыклаган. Ләкин сак булыгыз: әлеге җете төсләр өйдәге барлык стеналар өчен дә түгел.

2. Чәчәкләр
Шиңгән чәчәкләрне чыгарып ташлаганда моңсу да булып китә: күпме акча түгеп алынган иде бит алар. Ләкин чәчәкләрне бәхет инвестициясе дип кабул итәргә кирәк. Ратгер университеты (АКШ) тикшеренүләре тере чәчәкләрнең бәхетле мизгелләр бүләк итүен, канәгатьлек бирүен раслый. Икеләнмәгез дә, үкенмәгез дә: розалр, пионнар алыгыз.

3. Сентименталь фотолар
Карават янындагы тубочкада укый торган китабыгыз, сулы стаканыгыз тора, тик анда рамадагы фотография җитми. Тизрәк берничә гаилә фотосын куегыз. Фотолар карау уңай эмоцияләр тудыра, тынычландыра икән.

4. Ваниль исле шәмнәр
Киеренке эш көненнән соң шәм кабызып, аның януын күзәтү ял иттерә. Шәмнең исе шулай ук күңел халәтенә туры килсен. «Кәефегезне күтәрәсегез килсә, ваниль исле берничә шәм кабызыгыз», — диелә Chemical Senses тикшеренүләрендә.

5. Чәчәкләр хуш исе
Өегезгә аромат сайлаганда, чәчәк бутоннарын күздә тотыгыз. Борындагы ис тою рецепторлары баш миенең эмоцияләр белән элемтәдәге өлешенә бәйле. Психология Фәннәре Асоциациясе чәчәкнең хуш исләре бәхет хисен арттыра дигән фикердә.

6. Җыештырылган урын-җир
Карават җыештыру кебек көндәлек әйбергә дә вак-төяк дип кенә карамыйбыз. Көнне дөрес башлауның бер төре санала ул. Онлайн сораштырулардан күренгәнчә, урынын җыючы 71% кеше үзен бәхетле саный, шулай эшләмәгән 62% үзен бәхетсез тоя. Бүлмәне тәртипкә китерү һәм бәхетле булу өчен 2 минут вакыт җитә. 

7. Өйдә тәртип
Калифорния университеты мәгълүматлары буенча югары дәрәҗәдәге картизл (стресс гормоны) белән өендә бик күп предметлар булган хатын-кызлар арасында бәйләнеш бар икән. Өйдә кирәксез предметлар никадәр күп булса, стресс шулкадәр көчлерәк. Өйдәге тәртипсезлек, хаос шәхси уңышсызлык булып ассоциацияләшә. Шуңа күрә тыныч һәм бәхетле яшәр өчен кирәксез әйберләрдән вакыт-вакыт арынырга кирәк.

Чыганак