Табиблар сентябрьнең иң файдалы җиләген атады

Сентябрь аенда Россиянең урта полосасында кеше иммунитеты өчен иң файдалы җиләк өлгерә. Бу нарат җиләге, гөлҗимеш, мүк җиләге, балан, сырганак.

Роспотребнадзор белгечләре бу җиләкләр арасында табигый иммуномодулятор һәм антибиотик чыганагы буларак, сырганакны аерып чыгара.

Бу җиләктә С, В һәм Е витаминнары күп, фолий кислотасы, тимер, магний бар. ОРВИ белән авыручылар өчен сырганактан да яхшысы юк, дип яза Медикфорум.

Табиблар сырганакның яңа җыелганы да, туңдырылганы да файдалы ди. Аннан чәй һәм төнәтмә ясарга була.
Фото: freepik.com