Тәмле пирог

Кирәк:

Ак май — 150 гр (эретергә)
Он — 200-220 гр
Йомырка — 1
Тоз — бер чеметем
Шикәр комы — 80 гр
Разрыхлитель — 1 ч.к.
Варенье (теләсә-нинди булса да ярый, бары тик куерак булсын).

Әзерләү:

1.    Камыр өчен кирәкле барлык ингредиентларны кушып болгатабыз. Вареньене салмыйбыз. Кулга ябышмый торган камыр килеп чыгарга тиеш.
2.    Камырны ике өлешкә бүләбез. Берсе зуррак, ул пирогның төбе булачак.
3.    Камырның икенче өлешен 15-20 минутка морозилкага куябыз.
4.    Камырны формага кул белән тигезләп җәябез.
5.    Өстенә варенье салабыз.
6.    Варенье өстенә туңдырылган камырны кыргычтан уабыз. 
7.    Духовкада 180 градуста өсте кызаранчы 20-25 минут пешереп алабыз (үзегезнең духовкагыз буенча). 

Тәмле пирог әзер! 
Чәйләрегез тәмле булсын!