Тәмле ташкабак

Бакчада ташкабакларның мул өлгергән чоры хәзер. Ташкабак — витамин һәм микроэлементларга бай. Моннан тыш әлеге яшелчәдән аллергия булмый, ул җиңел үзләштерелә. Ташкабак чыгышы белән Мексика якларыннан, ә Россиядә ул 19 гасыр башында гына кулланыла башлый. 

Бу юлы без сезгә клярдагы ташкабак рецепты тәкъдим итәбез. 

Кляр өчен: 0,5 стакан сөт, 2-3 йомырка, тоз, он кирәк. Сыек коймак камыры ясыйбыз. Камырны бераз ял иттергәч, ташкабак түгәрәкләрен клярга манчып, табада кыздырып алабыз. Табынга биргәндә, майонез яки каймакка сарымсак кушып соус ясарга була. 
Ашларыгыз тәмле булсын!