Алабугалыларны виртуаль Үлемсез полк булдыруда катнашырга чакыралар

Башкарма комитет җитәкчесенең социаль үсеш буенча урынбасары Елена Мерзон алабугалыларга виртуаль Үлемсез полк формалаштыру өчен Бөек Ватан сугышында катнашучыларның фотоларын җибәрүләрен сорап мөрәҗәгать итте. Цифрлы проект өчен сурәтләр район хакимиятенең ВКонтакте социаль челтәрендәге төркемендә кабул ителә.

— Фото белән бергә геройларның кыскача биографиясен, фамилиясен, исемен, әтисенең исемен, гомер елларын, гаскәр атамасын һәм хәрби дәрәҗәсен (билгеле булса), язып куюыгызны сорыйбыз. Барлык җибәрелгән фотосурәтләрне роликларга берләштерәчәкләр, алар социаль челтәрләрдә рәсми төркемнәрдә һәм шәһәр урамнарында күрсәтеләчәк, — дип аңлатты Елена Мерзон.

Район башлыгы Рөстәм Нуриев фикеренчә, фотобанкны формалаштырганда 14 мең күрсәткеченә омтылырга кирәк — нәкъ менә шулкадәр алабугалы Бөек Ватан сугышы елларында фронтка киткән.