Сугыш елларында Алабуга тормышы: укыту

1941-1945 елларда Алабугадан һәм районнан фронтка барлыгы 14000 кеше китә, шуларның 7050е әйләнеп кайтмый. Югалтулар һәрбер Алабуга гаиләсендә булган.

Сугыш өйрәтелгән резервлар таләп итә. 1941 елда Алабугада механик, судокрахмал заводлары һәм башка предприятиеләрдә хәрби әзерлек буенча всевобуч оештырыла. Утыз җиде комсомол егет икенче баскычтагы «Ворошиловский стрелок» билгесенә нормалар тапшыру программасы буенча ату эшен өйрәнә.

«Смычка» артелендә 14-17 яшьлек егет-кызларны обоз һәм төзелеш эшенә өйрәтәләр. Укучыларга аена 90 сум стипендия бирелә, районнан килүчеләр тулай торак белән тәэмин ителә. Алабуганың механизация мәктәбендә механиклар, тракторчылар һәм комбайнчылар укыту курслары оештырыла.

Курсантларны аена 80-100 сум күләмендә стипендия белән тәэмин итәләр.

1942 елда фельдшер-акушерлык мәктәбендә 150 кеше белем ала. Уку түләүле була һәм елына 150 сум тәшкил итә. Монда урта мәктәпнең 7 сыйныфын тәмамлаган 15 яшьтән 35 яшькә кадәрге егетләр һәм кызлар сынауларсыз кабул ителә. Отличниклар аена 70 сум күләмендә стипендиягә алып укый. Шәһәрнең санитария дружинасы иреклеләр өчен кичке дәресләр үткәрә, анда яра бәйләргә, яралыларга беренче медицина ярдәме күрсәтергә, һавадан бомбага тотканда чаралар күрергә өйрәтәләр.