Алабуга биючеләре «Бию лигасы-2023»тә уңыш белән чыгыш ясадылар

18 февральдә Казан шәһәрендә бию спорты буенча «Бию лигасы-2023» төбәк ярышлары узды. 

Аларда Казан, Чаллы, Әлмәт, Түбән Кама, Яшел Үзәннән 107 бию пары катнашты. 

Алабуга данын Таһир Галиәхмәтов һәм Самира Фәйзрахманова, тренер Биккинин Рамил Рәшит улы җитәкчелегендә «Олимп» спорт мәктәбенең спорт биюе бүлегендә тәрбияләнүчеләр яклады.

Е классы буенча Европа программасында биюче пар 12 урыннан 1нче урынны алды, Е классы буенча Латин Америкасы программасында 12 урыннан 7 нче урынны яулады.