Алабуга боксчылары бүләкләр копилкасын тулыландырды

2021 елның 8-11 апрелендә Чирмешән районында Туган телләр һәм халыклар бердәмлеге елы кысаларында Космонавтика көненә багышланган 6нчы республика турниры булып узды. 

Ярышларда Татарстан Республикасының 12 шәһәреннән һәм районыннан 100гә якын боксчы катнашты. Шулай ук Самара өлкәсе командасы да бар иде. 
Алабуга данын 2 нче спорт мәктәбе һәм «Алабуга бокс клубы» ның алты спортчысыннан торган җыелма команда яклады.

Чыгыш нәтиҗәләре буенча беренче урынны Кузьмин Ян яулады, икенче урынны Антонюк Павел, Кутузов Богдан, өченче урынны Кәримов Фәрит алды.
Боксчылар грамота, медаль һәм кубоклар белән бүләкләнде.