Алабуга районы Яңа елга иң яхшы бизәлеш буенча республика конкурсында җиңү яулады

Узган шимбәдә ТР Хөкүмәт Йортында иң яхшы Яңа ел чарасы һәм бәйрәм бизәлеше буенча юбилей конкурсына йомгак ясалды.

Җиңүчеләргә бүләкләрне Татарстан Республикасы Рәисе Рөстәм Миңнеханов тапшырды. Алабуга районы «Үзәк Яңа ел чыршысын иң яхшы бизәү һәм республика әһәмиятендәге шәһәрләр административ үзәкләре булган муниципаль районнарда Яңа ел чараларын уздыру» номинациясендә иң яхшысы булды.

Конкурста 44 районнан, 35 авыл җирлегеннән 94 эш катнашты.