Алабуга спортчыларына бүләкләр тапшырдылар

1-3 ноябрьдә Казан шәһәрендә егетләр һәм кызлар арасында билбау көрәше буенча Дөнья Беренчелеге узды. Ярыш нәтиҗәләре буенча 2нче спорт мәктәбендә тәрбияләнүче — спорт мастерлыгына кандидат Данияр Сәлимуллин 3нче урынны алды. Тренеры: Россиянең атказанган тренеры Рим Кавиев.

12-21 ноябрьдә Тула шәһәрендә пауэрлифтинг буенча халыкара ярышлар узды. КФУның Алабуга институты һәм «Юность» спорт мәктәбе спортчылары уңышлы чыгыш ясады. Ярышлар нәтиҗәләре буенча Екатерина Белова 52 кг.га кадәр авырлык категориясендә 1 урынны алды. 66 кг.га кадәр авырлык категориясендә 1 урынны Андрей Будрин яулады.

28-30 ноябрьдә Буада 2007-2008 елгы яшүсмерләр арасында мини-футбол буенча ТР Беренчелеге узды. Команда капитаны Артем Филипов, тренер — Денис Денисенко. Иң яхшы уенчы дип Данил Денисов танылды.