Алабугалы йөзү буенча Россия беренчелегеннән бронза медаль алып кайтты

11-15 июльдә Пензада 17-18 яшьлек һәм 15-17 яшьлек юниорлар арасында йөзү буенча Россия беренчелеге узды.

5 көн дәвамында яшь спортчылар 42 комплект бүләк уйнаттылар. Ярышларда Россиянең 60 субъектыннан 830 спортчы катнашты. 

«Олимп» спорт мәктәбе тәрбияләнүчесе Артемий Макарчиков Татарстан Республикасы җыелма командасы составында катнаш эстафетада 4*100 ирекле стильдә бронза медаль яулады.