Алабуга нуры

Алабуга укытучылары чит илдә белем ала

Алабугадагы ике укытучы, "Алгарыш" программасы буенча Татарстан Республикасы грантын отып, чит илдә стажировкада булды.

Костенеево мәктәбеннән Флүзә Акаева стажировканы Англиядә узса, 4 нче гимназиядән Диләрә Мөбарәкшина АКШка барды.

Стажировка тәмамланганнан соң алар тест үтеп, сертификат алды. Шунысын да әйтергә кирәк, грант ияләре үзләренә шундый мөмкинлек биргәннәре өчен ТР Мәгариф министрлыгына, Алабуга муниципаль районы хакимиятенә бик рәхмәтле.

Бүгенге көндә Алабуга муниципаль районыннан тагын өч укытучы Англиядә стажировка уза.

"Чит телләрне укыту методикасы" темасы буенча лекцияләрне Гарвард университеты укытучылары әзерләгән иде. Укыту интерактив формада алып барылганлыктан, төрле илләрдән килгән укытучыларга укыту методикасының төрле юнәлешләрен тикшерү мөмкинлеге булды.

Нравится
Поделиться:
Реклама
Комментарии (0)
  • 23 октября 2017 в 14:24
    Защити себя!