Алабуга нуры

“Ел укучысы – 2012” (фотолар)

15 мартта Алабуганың 1нче гимназиясендә "Ел укучысы - 2012" бәйгесе узды.

Әлеге конкурс Алабуга мәгариф идарәсенең милли бүлеге тарафыннан "2012 ел - тарихи-мәдәни мирас елы" уңаеннан үткәрелде.

Бәйгедә һәр мәктәптән бер укучы катнашты. 7нче һәм 8нче сыйныф укучылары тамашачыларга, жюрига үз сәләтләрен, белемнәрен, тапкырлыкларын күрсәтте.

"Ел укучысы - 2012" конкурсы белем алуда һәм тәрбия чараларында уңышка ирешүдә укучыларның, укытучыларның һәм ата-аналарның үзара хезмәттәшлеген активлаштыру; милләтләр үсеше өчен файдалы булган конкурентлыкка сәләтле шәхес тәрбияләү; татар халкының авыз иҗаты әсәрләрен җентекләп өйрәнү; туган якка мәхәббәт тәрбияләү максатларын куя.

Бәйгедә катнашучылар жюрины һәм тамашачыны үз-үзләре белән таныштырды, бер сәнгать номеры күрсәтте, "Алабуга буйлап сәяхәт" исемле презентация әзерләп аның белән таныштырды.

Җиңүчене билгеләгәндә укучының башкару осталыгына, сәхнә культурасына, татар телендә матур итеп сөйли белүенә игътибар бирелде.

Бу турыда киләсе саннардан укырсыз.

Нравится
Поделиться:
Реклама
Комментарии (0)
  • 23 октябрь 2017 - 14:24
    Защити себя!
  • 29 март 2018 - 11:59
    Кар суына юл ачкан – ташудан качкан
    Чын яз апрель башында көтелә, анда инде сулар агачак. Су басуга кагылышлы фаразларны “эшлекле сишәмбе”дә ТР Гадәттән тыш хәлләр идарәсенең Алабуга районы буенча башлыгы Николай Доронин хәбәр итте.
    100
    0
    0
Ночной режим