Алабуга нуры

Ул Мәскәүгә барачак

Иске Юраш урта мәктәбенең 11 нче сыйныф укучысы, "Эковолонтер" клубы әгъзасы Гүзәл Хәбибуллина, үзенең укытучысы Ләйсән Сабирҗанова җитәкчелегендә "Алабуга районында бәрәңге игүнең инновацион технологиясе" темасы буенча фәнни эш башкарып, башкалабызга Бөтенроссия конкурсына юл алачак.

Экологик чиста һәм көндәшлеккә сәләтле авыл хуҗалыгы продукты - бәрәңге үстерү "2008-2012 елларда Татарстан Республикасында авыл хуҗалыгын үстерү" кебек максатчан программага керә. Шул нигездә 2010-2011 елларда Гүзәл баш агроном һәм "Татарстанның атказанган авыл хуҗалыгы хезмәткәре" "Яңа Юраш" агрофирмасы җитәкчесе Хәлил Сабирҗанов кушуы буенча мәктәпнең өйрәнү-тәҗрибә участогында тикшеренүләр алып барды, тәҗрибәләр үткәрде. Ул "Биосил" һәм "Престиж" кебек препаратларның "Скарлет", "Романо", Невский"сортлы бәрәңгеләр уңышына нинди йогынты ясавын өйрәнде. Гүзәл экологик чиста һәм югары уңыш алу өчен, райондашларыбызга "Престиж" һәм "Биосил" препаратларын кулланып, шушы сорттагы бәрәңгеләрне үстерергә киңәш итә.

Октябрь башында Мәскәүдә үтәчәк "Юннат-2011" конкурсында сигез номинация буенча көч сынашачаклар. Гүзәл исә "Кырчылык" номинациясендә үз белемен күрсәтәчәк. Конкурста республикадан нибары биш укучы катнашуын исәпкә алсак, Гүзәл алдында үтә җаваплы бурыч торганын һәркем күз алдына китерә ала: ул бит Алабуга һәм Татарстан данын яклаячак! Әйтергә кирәк, узган ел Резеда Әхтәмова әнә шундый абруйлы конкурста үз проекты буенча икенче урынны яулап кайтып, президент гранты алуга ирешкән иде. Билгеле булганча, "Мәгариф" Гомумроссия программасы нигезендә конкурсларда җиңеп 1-2 нче урыннарны алган укучыларга президент гранты һәм дипломнар тапшырыла. Бу яшь талантларны үстерү һәм аларны фәнни-тикшеренү эшләренә тарту максатыннан эшләнә.

Гүзәл фәнни эше нәтиҗәләрен райондашлары белән дә уртаклашмакчы, чөнки ул кулланган "Биосил" үсү процессын көйләүче табигый экологик чиста препарат үсемлекләрнең авыруларга һәм табигать көйсезлекләренә каршы торучанлыгын арттыра.

"Престиж" колорадо коңгызы, тлә, трипслар һәм проволочницаның таралуына киртә булып тора. Корткычларга һәм авыруларга каршы уңышлы йогынты ясавы белән берлектә, үсеш процессында стрессларны җиңәргә булыша.

Ә хәзергә Гүзәл Мәскәүгә бару мәшәкатьләре һәм конкурска әзерлек эшләре белән мәшгуль. Аның Мәскәүдән җиңү белән кайтуын теләп калабыз.

Асия Әхтәмова, балалар экология-биология үзәге директоры

Нравится
Поделиться:
Реклама
Комментарии (0)
  • 23 май 2018 - 16:57
    Алыштырып та, кайтарып та була Кибеттән алынган әйберне уйлаганча тиз генә алыштырып бирмиләр.
    51
    0
    0
  • 22 май 2018 - 15:18
    Росреестр күршеләр белән дуслашырга ярдәм итә Бакчада барлыкка килгән проблеманы хәл итер юллары турында Татарстан Росреестр хезмәткәре Аделя Хазеева сөйләячәк.
    38
    0
    0
  • 22 май 2018 - 15:12
    ЯЗЫЛЫРГА АШЫК! 2018 елның II яртыеллыгына “Алабуга нуры” һәм “Новая Кама” газеталарына язылу башланды.
    37
    0
    0
  • 22 май 2018 - 15:00
    Киңәшле эш таркалмас Алабугада беренче тапкыр шәһәр күләмендә ата-аналар җыелышы булды. Анда ике йөздән артык кеше катнашты. Алар арасында җәмәгать оешмалары, мәктәп һәм балалар бакчаларының ата-аналар комитеты вәкилләре бар иде.
    44
    0
    0
  • 22 май 2018 - 14:58
    18 майда Халыкара Музейлар көне үтте. Музей-тыюлык хезмәткәрләре Ленин мәйданында Музейлар көненә багышланган бәйрәм үткәрде.
    36
    0
    0
  • 22 май 2018 - 11:39
    Бүләкләделәр Бүген шәһәр киңәшмәсен Геннадий Емеләянов бүләкләүдән башлады
    46
    0
    0
  • 19 май 2018 - 12:31
    Бүген "Игътибар мотоциклист" Бөтенроссия акциясе үтә. "Төнге бүреләр" һәм мотоклуб әгъзалары акция кысаларында автомобиль йөртүчеләргә листовкалар таратты.
    51
    0
    0
  • 17 май 2018 - 17:27
    БАЛАЛАРГА ТАМАША 18 майда Алабуга дәүләт музей-ядкарьлегендә “Музейлар көне – безнең бәйрәм” дип аталган сәхнәләштерелгән тамаша булачак.
    55
    0
    0
  • 23 октябрь 2017 - 14:24
    Защити себя!
Ночной режим