Алабуга районында «Үсеш ноктасы» үзәге ачылды

Морт мәктәбендә «Үсеш ноктасы» («Точка роста») үзәге ачылды. Бу — Алабуга районында сигезенче шундый үзәк. Мәктәп яңа җиһазлар алды һәм хәзер балалар уңайлы шартларда белемнәрен арттыра, тәҗрибәләр үткәрә һәм биология, физика һәм химия буенча имтиханнарга әзерләнә алачак.

«Үсеш ноктасы» — ул заманча мәктәп проекты кысаларында оештырылган цифрлы, табигый фән, техник һәм гуманитар профильле белем бирү үзәкләренең федераль челтәре. Авыл мәктәпләре һәм кече шәһәрләрнең гомуми белем бирү учреждениеләре базасында төзелә.