Рөстәм Миңнеханов: Татарстан һәм Алтай краен туры авиаэлемтәләр бәйләргә мөмкин

Татарстан Президенты Рөстәм Миңнеханов бүген Барнаулга эшлекле сәфәр кысаларында Алтай крае губернаторы Александр Карлин белән очрашты.

Татарстан Президенты Рөстәм Миңнеханов бүген Барнаулга эшлекле сәфәр кысаларында Алтай крае губернаторы Александр Карлин белән очрашты. Бу хакта Татарстан Президентының матбугат хезмәте хәбәр итә.

Әңгәмә барышында яклар төбәкара хезмәттәшлек мәсьәләләре буенча фикер алышты. Аерым алганда, машина төзелеше, үзара дару препаратлары һәм нефтехимия продукциясе белән тәэмин итү перспективалары, фән һәм технология өлкәсендә элемтәләрне киңәйтү, ныгыту мәсьәләләре каралды.

Рөстәм Миңнеханов шулай ук 2018 елда Казан һәм Барнаулны туры авиаэлемтәләр бәйләргә мөмкин булуын җиткерде. Рейслар төбәк бюджетыннан субсидияләнә ала.