10 меңнән артык татарстанлы «Мобиль сайлау» технологиясе буенча тавыш бирәчәк

Татарстан Үзәк сайлау комиссиясе рәисе Андрей Кондратьев хәбәр иткәнчә, ун меңнән артык татарстанлы РФ Дәүләт Думасына «Мобиль сайлау» технологиясе буенча депутатлар сайлауда катнашу өчен документлар тапшырган, шулай итеп алар прописка буенча гына түгел, башка урында да тавыш бирә алачак. Татарстанлыларның күбесе бу мөмкинлектән Дәүләт хезмәтләре Порталы аша файдаланды, дип яза Татар-информ.

Тавыш бирүче автомат рәвештә яңа участокка беркетелә, сайлаучының теләкләре исәпкә алына.

Исегезгә төшерәбез, 17-19 сентябрьдә Дәүләт Думасына Бөтенроссия сайлаулар узачак.